શિહોરીમાં સોડાની આડમાં દારૂના વેચાણના આક્ષેપો, ITN ગુજરાતી પાસે પુરાવાઓનો ભંડાર!?
રિપોર્ટર અરવિંદ કુમાર બ્યુરો ચીફ બનાસકાંઠા
શિહોરી, બનાસકાંઠા
બનાસકાંઠા જિલ્લાના કાંકરેજ તાલુકાના મુખ્ય મથક શિહોરીમાં દારૂબંધીના કાયદાની અમલીકરણ વ્યવસ્થા સામે ગંભીર સવાલો ઉભા થયા છે. શિહોરી-પાટણ ત્રણ રસ્તા જેવા અત્યંત ધમધમતા વિસ્તારમાં આવેલા એક સોડા સેન્ટરમાં ઠંડા પીણાની આડમાં વિદેશી દારૂનો વેપલો ફૂલ્યોફાલ્યો હોવાના ચોંકાવનારી વિગતો અને આક્ષેપો સામે આવ્યા છે.
આ મામલે માત્ર વાતો જ નહીં, પરંતુ ચોંકાવનારા ઓડિયો રેકોર્ડિંગ અને વિડિયો ફૂટેજ પણ સામે આવ્યા હોવાના અહેવાલ છે. વાયરલ થયેલા કથિત ઓડિયોમાં દારૂના સોદાબાજીની વાતો સ્પષ્ટપણે સાંભળવા મળી રહી છે. આ પુરાવાઓ સૂચવે છે કે શિહોરીના હૃદય સમાન વિસ્તારમાં કોઈપણ ડર વગર આ ગેરકાયદે પ્રવૃત્તિ ચાલી રહી છે.
આટલી ગંભીર પ્રવૃત્તિ જાહેરમાં ચાલતી હોવા છતાં સ્થાનિક પોલીસ તંત્ર કેમ મૌન છે? તે એક મોટો પ્રશ્ન છે.
શું આ કથિત વેપલા પાછળ કોઈ મોટા તત્વોનો હાથ છે?
શું પોલીસ આ બાબતથી ખરેખર અજાણ છે કે પછી જાણીજોઈને આંખ આડા કાન કરવામાં આવી રહ્યા છે?
સ્થાનિકોમાં ચર્ચા છે કે જો યોગ્ય તપાસ થાય તો આ કૌભાંડના તાર ઘણા ઊંડે સુધી જઈ શકે છે.?
Indian tv news/ ITN ગુજરાતી પાસે આ સમગ્ર મામલાના તમામ મહત્વના પુરાવાઓ ઉપલબ્ધ છે. અત્યારે અમે માત્ર પ્રાથમિક વિગતો જાહેર કરી રહ્યા છીએ, પરંતુ આગામી સમયમાં અમે આ ઓડિયો અને વિડિયો પુરાવાઓ સાથે વધુ ચોંકાવનારા ખુલાસા કરીશું.!?
હવે જોવાનું એ રહેશે કે આ રિપોર્ટ બાદ બનાસકાંઠા પોલીસના ઉચ્ચ અધિકારીઓ આ મામલે તપાસના આદેશ આપે છે કે કેમ? કે પછી બુટલેગરો આ જ રીતે કાયદાનો ભંગ કરતા રહેશે?
About the Author
