*આહવા નગરમાં મતદાન માટે ઉમટ્યો જનસાગર, ગરમી વચ્ચે પણ લોકોએ બતાવ્યો ઉત્સાહ*
રિપોર્ટર :
ઝાકિર ઝંકાર આહવા ડાંગ
આહવા નગરમાં આજે મતદાનનો ઉત્સાહ જોવા મળ્યો છે. અસહ્ય ગરમી હોવા છતાં ગામના લોકો મોટી સંખ્યામાં મતદાન મથકો પર પહોંચી રહ્યા છે. સવારે જ મતદાન શરૂ થતા જ અનેક મતદાન બુથ પર લાંબી લાઈનો જોવા મળી હતી.
સ્થાનિક ગ્રામજનોમાં લોકશાહી પ્રત્યેનો ઉત્સાહ સ્પષ્ટ દેખાઈ રહ્યો છે. વડીલો, મહિલાઓ અને યુવાનો બધાએ પોતાના મતાધિકારનો ઉપયોગ કરવા માટે ઉત્સાહપૂર્વક ભાગ લીધો છે. ઘણા લોકો કહે છે કે ગરમી જેવી પરિસ્થિતિઓ છતાં મતદાન કરવું દરેક નાગરિકની ફરજ છે.
આહવા નગરના ગ્રામજનોએ અન્ય લોકોને પણ અપીલ કરી છે કે વધુમાં વધુ મતદાન કરી લોકશાહીને મજબૂત બનાવે. “એક એક મત અમૂલ્ય છે, તેથી દરેક વ્યક્તિએ મતદાન કરવું જ જોઈએ,” એમ એક સ્થાનિક મતદાતાએ જણાવ્યું.
પ્રશાસન દ્વારા મતદાન મથકો પર જરૂરી વ્યવસ્થાઓ કરવામાં આવી છે જેથી મતદારોને કોઈ મુશ્કેલી ન પડે. ઠંડુ પાણી, છાંયો અને આરામની સુવિધાઓ પણ ઉપલબ્ધ કરાવવામાં આવી છે.
આ રીતે આહવા નગરમાં ગરમીને પડકાર આપીને લોકોએ લોકશાહી ઉત્સવમાં સક્રિય ભાગ લીધો છે.
About the Author
