देवणी येथे राष्ट्रवादी युवक काँग्रेसच्या वतीने शेतकरी, विद्यार्थी व पदवीधर संवाद मेळावा उत्साहात संपन्न
गजानन भोपणीकर यांच्या पुढाकाराने मेळाव्याचे आयोजन; शेतकऱ्यांच्या १० मुलींच्या महाविद्यालयीन शुल्कमाफीचे पत्र मान्यवरांच्या हस्ते प्रदान
देवणी, दि. १३ ऑक्टोबर २०२६ :
राष्ट्रवादी युवक काँग्रेसच्या वतीने देवणी येथे शेतकरी, विद्यार्थी आणि पदवीधर संवाद मेळाव्याचे आयोजन करण्यात आले होते. या मेळाव्याला राष्ट्रवादी काँग्रेसचे प्रदेशाध्यक्ष मा. श्री. निखिलदादा ठाकरे प्रमुख मार्गदर्शक म्हणून उपस्थित होते. कार्यक्रमाच्या अध्यक्षस्थानी राष्ट्रवादी काँग्रेसचे ज्येष्ठ नेते ॲड. व्यंकटराव बेद्रे होते. देवणी पंचायत समितीचे सदस्य तथा मेळाव्याचे आयोजक मा. श्री. गजानन भोपणीकर यांच्या पुढाकाराने आयोजित करण्यात आलेल्या या मेळाव्याला शेतकरी, विद्यार्थी, पदवीधर आणि पक्षाच्या कार्यकर्त्यांचा उत्स्फूर्त प्रतिसाद लाभला.
या कार्यक्रमाला प्रमुख अतिथी म्हणून राष्ट्रवादी काँग्रेसचे प्रदेश कार्यालयीन सरचिटणीस अमर पाटील, राष्ट्रवादी शिक्षक संघाचे लातूर जिल्हाध्यक्ष मदन धुमाळ, जिल्हा परिषद लातूरचे बांधकाम सभापती ज्ञानेश्वर बिरादार, सांस्कृतिक विभागाचे जिल्हाध्यक्ष अभिजित आवटे, राष्ट्रवादी काँग्रेसचे देवणी तालुकाध्यक्ष प्रा. डॉ. अनिल इंगोले, जिल्हा सरचिटणीस अनिल कांबळे, शफी हाश्मी, शिरूर अनंतपाळ पंचायत समितीचे उपसभापती खंडेराव चव्हाण, शिरूर अनंतपाळ राष्ट्रवादी काँग्रेसचे शहराध्यक्ष अनिल देवगरे, अजीज मुल्ला, निलंगा तालुकाध्यक्ष हरिदास साळुंखे, रोहित पाटील, शिरूर अनंतपाळ ओबीसी सेलचे तालुकाध्यक्ष तुकाराम काळे, हिपळगावचे सरपंच तथा लातूर जिल्हा ओबीसी सेलचे जिल्हा कार्याध्यक्ष ज्ञानेश्वर मोगले यांच्यासह अनेक मान्यवर उपस्थित होते.
शेतकरी, विद्यार्थी आणि पदवीधरांच्या प्रश्नांवर भर
कार्यक्रमाचे प्रास्ताविक आयोजक गजानन भोपणीकर यांनी केले. यावेळी त्यांनी देवणी तालुक्यातील दुष्काळग्रस्त भागातील शेतकऱ्यांच्या समस्या आणि त्यांच्या हितासाठी पक्षाच्या माध्यमातून एकजुटीने प्रयत्न करण्याची भूमिका मांडली. आगामी मराठवाडा पदवीधर मतदारसंघाच्या निवडणुकीत मा. सतीशभाऊ चव्हाण यांना बहुमताने विजयी करण्यासाठी सर्वांनी एकत्रितपणे प्रयत्न करावेत, असे आवाहनही त्यांनी केले.
देवणी तालुक्यात राष्ट्रवादी काँग्रेसची संघटनात्मक ताकद वाढविणे, शेतकरी, विद्यार्थी आणि पदवीधरांचे प्रश्न प्रभावीपणे मांडणे तसेच आगामी काळात पक्षाची ताकद कायम ठेवणे, यावर त्यांनी भर दिला.
गजानन भोपणीकर यांना पक्षाने बळ द्यावे
देवणी तालुक्यात राष्ट्रवादी काँग्रेसच्या ज्येष्ठ नेत्यांनी पक्ष संघटना अधिक मजबूत करण्यासाठी प्रयत्न करावेत, असे मत प्रा. डॉ. अनिल इंगोले यांनी व्यक्त केले. मागील पंचायत समिती निवडणुकीत तालुक्यात पक्षाला यश मिळाले असून आगामी काळातही ही ताकद कायम ठेवण्याचा निर्धार त्यांनी व्यक्त केला.
राष्ट्रवादी शिक्षक संघाचे जिल्हाध्यक्ष मदन धुमाळ यांनी गजानन भोपणीकर यांच्या कार्याचे कौतुक केले. जनसामान्यांचे प्रश्न सोडविण्याची क्षमता त्यांच्यामध्ये असून प्रतिकूल परिस्थितीतही त्यांनी शिक्षण क्षेत्रात भरीव कामगिरी केली आहे. त्यांच्यामध्ये मोठे राजकीय भवितव्य असल्याने पक्षाने त्यांना अधिक ताकद द्यावी, अशी अपेक्षा त्यांनी व्यक्त केली. यावेळी उपस्थित अन्य मान्यवरांनीही आपापली मनोगते व्यक्त केली.
दहा विद्यार्थिनींच्या शिक्षण शुल्कमाफीचे पत्र प्रदान
या मेळाव्यादरम्यान सामाजिक बांधिलकी जपत रसिका महाविद्यालयाच्या वतीने देवणी तालुक्यातील शेतकरी कुटुंबातील मुलींसाठी महाविद्यालयीन प्रवेश शुल्क माफ करण्याचा निर्णय जाहीर करण्यात आला. याअंतर्गत दहा विद्यार्थिनींच्या शैक्षणिक शुल्कमाफीचे पत्र उपस्थित मान्यवरांच्या हस्ते प्रदान करण्यात आले. या उपक्रमामुळे शेतकरी कुटुंबातील मुलींच्या उच्च शिक्षणाला प्रोत्साहन मिळणार असून आर्थिक अडचणींमुळे शिक्षणात अडथळे येऊ नयेत, या दृष्टीने हा उपक्रम महत्त्वपूर्ण ठरणार आहे. यावेळी महाविद्यालयाचे प्राचार्य डॉ. चंद्रकांत जावळे उपस्थित होते.
देवणीत राष्ट्रवादीची ताकद वाढविणार : निखिलदादा ठाकरे
राष्ट्रवादी काँग्रेसचे प्रदेश कार्यालयीन सरचिटणीस अमर पाटील यांनी पक्षाची विचारधारा, ध्येयधोरणे आणि संघटनात्मक कार्य याविषयी सविस्तर मार्गदर्शन केले.
प्रमुख मार्गदर्शक निखिलदादा ठाकरे यांनी आगामी काळात देवणी तालुक्यात राष्ट्रवादी काँग्रेसची संघटना अधिक मजबूत करण्यासाठी विशेष प्रयत्न करण्यात येतील, असे सांगितले. युवकांचे संघटन करून पक्षाची ताकद वाढविण्यावर भर देण्यात येणार असून गजानन भोपणीकर यांच्या पाठीशी पक्ष खंबीरपणे उभा राहील, अशी ग्वाही त्यांनी दिली.
कार्यक्रमाच्या अध्यक्षीय समारोपात ज्येष्ठ नेते ॲड. व्यंकटराव बेद्रे यांनी मार्गदर्शन केले. शेतकरी, विद्यार्थी आणि पदवीधरांच्या प्रश्नांवर संवाद साधण्यासाठी अशा मेळाव्यांचे महत्त्व अधोरेखित करण्यात आले.
मान्यवरांसह कार्यकर्त्यांची मोठ्या संख्येने उपस्थिती
या मेळाव्यास काशिनाथ शेंडगे, बालाजी कोयले, मनोज कन्नाडे, प्रताप कोयले, गजानन सावंत, महेश जाधव, संतोष पंढरपूरे, प्रीतम अष्टुरे, तानाजी बिरादार, अजय भोळे, संदीप नवघरे, तुकाराम भंडे, अजय गरड, माधव रोटे, निळकंठ बिरादार, संजय बिरादार, नारायण दोडके, उमाकांत गुड्डा, महेश बिरादार, दगडू टोम्पे, भरत कोनाळे, दत्ता चाळकापुरे यांच्यासह देवणी तालुक्यातील शेतकरी, विद्यार्थी, पदवीधर आणि राष्ट्रवादी काँग्रेसचे कार्यकर्ते मोठ्या संख्येने उपस्थित होते.
कार्यक्रमाचे सूत्रसंचालन डॉ. शिवाजी सोनटक्के यांनी केले, तर मनोज कन्नाडे यांनी उपस्थितांचे आभार मानले.
About the Author
