## **કરોડોના સાયબર ફ્રોડ કેસમાં ડાંગ સાયબર ક્રાઇમ ટીમની મોટી સફળતા દુબઈ સુધી જોડાયેલા ઇન્ટરનેશનલ સાયબર માફિયાઓ ઝડપાયા**
ઝાકિર ઝંકાર **આહવા | ડાંગ**
કરોડો રૂપિયાના સાયબર ફ્રોડ કેસમાં ડાંગ જિલ્લા સાયબર ક્રાઇમ પોલીસ સ્ટેશનની ટીમે મહત્વપૂર્ણ સફળતા હાંસલ કરી છે. ઇન્ટરનેશનલ લેવલ પર દુબઈ સુધી ફેલાયેલા સાયબર ફ્રોડ નેટવર્ક સાથે સંકળાયેલા આરોપીઓની ધરપકડ કરવામાં આવી છે.
મહાનિરીક્ષકશ્રી, સુરત રેન્જ તથા પોલીસ અધિક્ષકશ્રી, ડાંગ-આહવા, નાયબ પોલીસ અધિક્ષકશ્રી આહવા વિભાગ તેમજ નાયબ પોલીસ અધિક્ષક (SC/ST સેલ) ડાંગ-આહવા દ્વારા સાયબર ફ્રોડ ગુનાઓ શોધી કાઢવા અને અટકાવવા માટે સમયાંતરે માર્ગદર્શન અને સૂચનાઓ આપવામાં આવી રહી હતી. આ માર્ગદર્શનના આધારે સાયબર ક્રાઇમ ટીમે અસરકારક કાર્યવાહી હાથ ધરી હતી.
### **ઇન્વેસ્ટમેન્ટના નામે લાલચ**
ફરિયાદીને **“1203 ENAM Shant Yatra”** અને **“Nuvama T49 Trade Observations Group”** નામના વોટ્સએપ/ઓનલાઇન ગ્રુપ મારફતે ઇન્વેસ્ટમેન્ટ કરાવી વધુ નફો આપવાની લોભામણી લાલચ આપવામાં આવી હતી. આ રીતે ફરિયાદી પાસેથી મોટી રકમ ફ્રોડ કરવામાં આવી હતી.
### **ટેકનિકલ એનાલિસિસથી ભેદ ઉકેલાયો**
સાયબર ક્રાઇમ પોલીસ સ્ટેશન ખાતે ગુનો નોંધાયા બાદ ટીમ દ્વારા ટેક્નિકલ સોર્સ અને આધુનિક ટેક્નિકલ એનાલિસિસના આધારે તપાસ હાથ ધરવામાં આવી. તપાસ દરમિયાન ફ્રોડની રકમ **સુરતમાંથી દુબઈ ખાતે USDT (ક્રિપ્ટો – બાઈનાન્સ)** મારફતે ટ્રાન્સફર કરવામાં આવી હોવાનું બહાર આવ્યું.
આ આધારે ડાંગ સાયબર ક્રાઇમ ટીમે સાયબર માફિયાઓની ધરપકડ કરવામાં સફળતા મેળવી છે.
### **ધરપકડ કરાયેલા આરોપીઓ**
1. **ગૌરવ સવજીભાઈ કાકડિયા**, રહે. અમરોલી, સુરત
2. **ચેતનભાઈ ગોરધનભાઈ ગાંગાણી**, રહે. કામરેજ, સુરત
### **નોંધાયેલ ગુનો**
સાયબર ક્રાઇમ પોલીસ સ્ટેશન, A પાર્ટ
ગુના રજી. નં. **11219008250009/2025**
**લાગુ કલમો:**
* ભારતીય ન્યાય સંહિતા, 2023 ની કલમ **318(4)**
* ઇન્ફોર્મેશન ટેક્નોલોજી એક્ટ, 2000 ની કલમ **66(C)** અને **66(D)**
ડાંગ સાયબર ક્રાઇમ ટીમની આ કાર્યવાહીથી ઇન્ટરનેશનલ સાયબર ફ્રોડ નેટવર્ક સામે કડક સંદેશો ગયો છે અને ભવિષ્યમાં આવા ગુનાઓ અટકાવવામાં મહત્વપૂર્ણ સાબિત થશે.
*
About the Author
