ਪੰਜਾਬੀ ਹਿੰਦੂ ਗਰੁੱਪ ਵਲੋਂ ਪੰਜਾਬ ਵਿਚ ਲੰਡੇ ਭਾਸ਼ਾ ਨੂੰ ਮਾਨਤਾ ਦੇਣ ਦੀ ਮੰਗ ਨੂੰ ਲੈ ਕੇ ਦਿਤਾ ਮੰਗ ਪੱਤਰ
ਅਮਲੋਹ(ਅਜੇ ਕੁਮਾਰ)
ਪੰਜਾਬੀ ਹਿੰਦੂ ਗਰੁੱਪ ਵਲੋਂ ਪੰਜਾਬ ਵਿਚ ‘ਲੰਡੇ ਭਾਸ਼ਾ’ ਨੂੰ ਲਾਗੂ ਕਰਨ ਅਤੇ ਪੰਜਾਬ ਵਿਚ ਪੰਜਾਬ ਦੇ ਜੰਮਪੱਲ ਵਿਅਕਤੀ ਨੂੰ ਉਚ ਅਹੁੱਦਿਆਂ ਤੇ ਲਗਾਉਂਣ ਦੀ ਮੰਗ ਨੂੰ ਲੈ ਕੇ ਨਾਇਬ ਤਹਿਸੀਲਦਾਰ ਸਪਰਸ ਕੌਰ ਰਾਹੀ ਪੰਜਾਬ ਦੇ ਮੁੱਖ ਮੰਤਰੀ ਨੂੰ ਅਮਲੋਹ ਯੂਨਿਟ ਦੇ ਪ੍ਰਧਾਨ ਸਵਰਨਜੀਤ ਸਿੰਘ ਸੇਠੀ ਦੀ ਅਗਵਾਈ ਹੇਠ ਮੰਗ ਪੱਤਰ ਦਿਤਾ ਗਿਆ। ਇਸ ਮੌਕੇ ਸੂਬਾ ਸਲਾਹਕਾਰ ਅਤੇ ਗਊ ਸਨਮਾਨ ਆਵਾਹਨ ਅਭਿਆਨ ਦੇ ਜਿਲਾ ਪ੍ਰਧਾਨ ਸ਼ਾਸਤਰੀ ਗੁਰੂ ਦੱਤ ਸ਼ਰਮਾ, ਗਊ ਸੇਵਾ ਸਮਿਤੀ ਦੇ ਪ੍ਰਧਾਨ ਭੂਸ਼ਨ ਸੂਦ, ਸਿਵ ਸੈਨਾ ਦੇ ਉਤਰੀ ਭਾਰਤ ਦੇ ਪ੍ਰਧਾਨ ਬਲਜੀਤ ਪੇਸ਼ੀ ਅਤੇ ਮਾਸਟਰ ਮੇਵਾ ਸਿੰਘ ਆਦਿ ਨੇ ਵਿਸੇਸ ਤੌਰ ‘ਤੇ ਸਿਰਕਤ ਕੀਤੀ। ਸੂਬਾਈ ਆਗੂ ਸ਼ਾਸਤਰੀ ਗੁਰੂ ਦੱਤ ਸ਼ਰਮਾ ਨੇ ਦਸਿਆ ਕਿ ਇਨ੍ਹਾਂ ਮੰਗਾਂ ਨੂੰ ਲੈ ਕੇ ਪੰਜਾਬ ਭਰ ਦੀਆਂ ਸਾਰੀਆਂ ਸਬ ਡਵੀਜਨਾਂ ਉਪਰ ਇਸ ਤਰ੍ਹਾਂ ਦੇ ਮੰਗ ਪੱਤਰ ਦਿਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਦਸਵੀ ਸਦੀ ਦੇ ਰਾਜਾ ਪੋਰਸ ਦੇ ਸਮੇਂ ਤੋਂ ਇਹ ਭਾਸ਼ਾ ਚਲੀ ਆ ਰਹੀ ਹੈ ਅਤੇ ਅੱਜ ਵੀ ਬਹੁਤ ਸਾਰੇ ਵਪਾਰੀ ਲੋਕ ਆਪਣਾ ਵਹੀ ਖਾਤਾ ਦੇਣ-ਲੈਣ ਦਾ ਹਿਸਾਬ ਇਸੇ ਭਾਸ਼ਾ ਵਿਚ ਕਰਦੇ ਹਨ। ਉਨ੍ਹਾਂ ਇਸ ਭਾਸ਼ਾ ਨੂੰ ਮਾਨਤਾ ਦੇਣ ਦੀ ਮੰਗ ਕੀਤੀ। ਤਹਿਸੀਲ ਪ੍ਰਧਾਨ ਸੇਠੀ ਨੇ ਦੁਖ ਪ੍ਰਗਟ ਕੀਤਾ ਕਿ ਪੰਜਾਬ ਤੋਂ ਬਾਹਰਲੇ ਰਾਜਾਂ ਤੋਂ ਅਧਿਕਾਰੀਆਂ ਨੂੰ ਪੰਜਾਬ ਵਿਚ ਲਾ ਕੇ ਪੰਜਾਬ ਨਾਲ ਧਰੋਅ ਕਮਾਇਆ ਜਾ ਰਿਹਾ ਹੈ ਅਤੇ ਪੰਜਾਬ ਦੇ ਯੋਗ ਅਫ਼ਸਰ ਇਨ੍ਹਾਂ ਵੱਡੀਆਂ ਅਸਾਮੀਆਂ ਤੋਂ ਵਾਂਝੇ ਰਹਿ ਜਾਦੇ ਹਨ। ਉਨ੍ਹਾਂ ਲੰਡੇ ਭਾਸ਼ਾ ਦਾ ਜਿਕਰ ਕਰਦਿਆ ਕਿਹਾ ਕਿ ਇਹ ਡੁੱਬਣ ਦੇ ਕਿਨਾਰੇ ਹੈ ਇਸ ਭਾਸ਼ਾ ਨੂੰ ਮਾਨਤਾ ਦੇ ਕੇ ਸਕੂਲਾਂ ਵਿਚ ਵੀ ਲਾਗੂ ਕੀਤਾ ਜਾਵੇ ਤਾਂ ਜੋਂ ਪੰਜਾਬ ਦਾ ਵਿਰਸਾ ਬਚ ਸਕੇ। ਇਸ ਮੌਕੇ ਰਕੇਸ ਕੁਮਾਰ ਗੋਗੀ, ਮਹਿੰਦਰ ਪਜਨੀ, ਸੀਨੀਅਰ ਐਡਵੋਕੇਟ ਮਨੀਸ਼ ਮੋਦੀ, ਸੀਨੀਅਰ ਐਡਵੋਕੇਟ ਦੇਵ ਰੱਤਨ ਸ਼ਰਮਾ, ਸੀਨੀਅਰ ਐਡਵੋਕੇਟ ਰੁਨੀਸ਼ ਧੀਮਾਨ, ਐਡਵੋਕੇਟ ਧਰਮਿੰਦਰ ਤਿਵਾੜੀ, ਲੱਕੀ ਅਰੋੜਾ, ਮਿੰਟੂ ਅਰੋੜਾ, ਵਿੱਕੀ ਅਰੋੜਾ, ਤਰਨ ਕੁਮਾਰ, ਬੇਅੰਤ ਸਿੰਘ ਰੁੜਕੀ ਅਤੇ ਸੱਤਪਾਲ ਸਿੰਘ ਆਦਿ ਹਾਜ਼ਰ ਸਨ।
ਫੋਟੋ ਕੈਪਸਨ: ਪੰਜਾਬ ਹਿੰਦੂ ਗਰੁੱਪ ਦੇ ਤਹਿਸੀਲ ਪ੍ਰਧਾਨ ਸਵਰਨਜੀਤ ਸਿੰਘ ਸੇਠੀ, ਸੂਬਾਈ ਆਗੂ ਸ਼ਾਸਤਰੀ ਗੁਰੂ ਦੱਤ ਸ਼ਰਮਾ ਅਤੇ ਹੋਰ ਨਾਇਬ ਤਹਿਸੀਲਦਾਰ ਨੂੰ ਮੰਗ ਪੱਤਰ ਦਿੰਦੇ ਹੋਏ।-
About the Author
