*બરોડા સ્વરોજગાર વિકાસ સંસ્થાન આહવા ખાતે ધરેલું વિધુત ઉપકરણ સેવા ઉધયમી તાલીમનું પ્રમાણપત્ર વિતરણ કાર્યક્રમ યોજાયો :*
–
*રિપોર્ટર ; ઝાકિર ઝંકાર : આહવા ડાંગ:*
ગ્રામીણ વિકાસ મંત્રાલય ભારત સરકાર દ્વારા પ્રાયોજિત અને બેન્ક ઓફ બરોડા દ્વારા સંચાલિત બરોડા સ્વરોજગાર વિકાસ સંસ્થાન આહવા તથા ડાંગ જિલ્લા ગ્રામ વિકાસ એજન્સીના સંયુક્ત ઉપક્રમે ૩0 દિવસીય ધરેલું વિધુત ઉપકરણ સેવા ઉધયમી તાલીમનું આહવા ખાતે આયોજન કરવામાં આવ્યું હતું. જેમાં ડાંગ જિલ્લાના અલગ અલગ ગામોના ૨૫ ભાઈઓ અને બહેનોએ ભાગ લિધો હતો.
આ ૩0 દિવસીય તાલીમમાં રોજબરોજ લાઇટ થી ઘર વપરાશમાં ઉપયોગી વસ્તુઓ બેઝિક ઇલેક્ટ્રિસિટી વિશે શીખવવામાં આવ્યું હતું. જેમ કે, મલ્ટિમીટરનો ઉપયોગ, ટુલ્સ, એમસીબીના પ્રકાર મેથડ ઓફ હાઉસ વાયરીંગ, સિરીઝ, પેરિલલ, મીટર બોર્ડ, ટનલ વાયરીંગ, AC મોટર, DC મોટર, એમ થિયરી શીખવાડવામાં આવી હતી. તેમજ પ્રેક્ટિકલમાં ફેન રિપેર, મિક્સર રીપેર, ટેબલ ફેન રિપેર, કુલર રીપર, ઇલેક્ટ્રિક આર્યન, સિંગલ ફેઝ મોટર, ગીઝર, હીટર, ટીવી, ઘર ઘંટી, લાઇટ વાળી સગડી, હાઉસ વાયરિંગ, યુ.પી.એસ, વગેરે ઉપયોગી વસ્તુઓ ઘર બેઠા રિપેરિંગ કઈ રીતે કરવું તેની સંપૂર્ણ માહિતી પ્રેક્ટિકલ અને થિઅરી દ્વારા શીખવવામાં આવી હતી. તેમજ કમ્યુનિકેશન સ્કિલ માર્કેટિંગ બેન્કિંગ વીમા પેન્શન, બેન્કિંગ સેવિંગ્સ વિશેની સમજમ આપવામાં આવી હતી.
આ પ્રમાણપત્ર વિતરણ કાર્યક્રમમાં બરોડા સ્વરોજગાર વિકાસ સંસ્થાન આહવાના આરસેટી ડાયરેકટર શ્રી અભિષેક સર્વા, જિલ્લાના એ.પી.એમ સતીશ ગાઉંડા, તેમજ આરસેટી સ્ટાફ હાજર રહ્યા હતા. તાલીમાર્થી ભાઈઓ બહેનોને પ્રમાણપત્ર આપવામાં આવ્યા સાથે જ રોજગારી લક્ષી માર્ગદર્શન પૂરું પાડવામાં આવ્યું હતું.
–
About the Author
