*પર્વતારોહક ભોવાન રાઠોડ ના સન્માનમાં આહવામાં ભવ્ય સ્વાગત અને ભવ્ય રેલી*
*રિપોર્ટર: ઝાકિર ઝંકાર , આહવા ડાંગ*
ડાંગ જિલ્લાના યુવા પર્વતારોહક ભુવન રાઠોડે માઉન્ટ યુનામના 6,111 મીટર ઊંચા શિખર પર તિરંગો લહેરાવી ડાંગ જિલ્લાનું ગૌરવ વધાર્યું છે. તેમની આ સાહસિક સિદ્ધિ બદલ આહવા ખાતે ભવ્ય સ્વાગત અને સન્માન સમારોહનું આયોજન કરવામાં આવ્યું હતું.
આહવાના બિરસા મુંડા સર્કલથી ગાંધીબાગ સુધી ભવ્ય તિરંગા રેલી યોજાઈ હતી. રેલીમાં મોટી સંખ્યામાં લોકો જોડાયા હતા. દેશભક્તિના નાદ અને હાથમાં તિરંગા સાથે ભુવન રાઠોડનું ઉત્સાહભેર સ્વાગત કરવામાં આવ્યું હતું.
આ પ્રસંગે આહવા ગ્રામ પંચાયતના સરપંચ શ્રી હરિરામ સાવંત તથા તાલુકા પંચાયતની ન્યાય સમિતિના અધ્યક્ષ શ્રી જિગ્નેશ સોલંકી દ્વારા ભુવન રાઠોડનું સન્માન કરી તેમની સિદ્ધિને બિરદાવવામાં આવી હતી.
માઉન્ટ યુનામના ઊંચા શિખર પર તિરંગો લહેરાવી ભુવન રાઠોડે દેશ સાથે ડાંગ જિલ્લાનું પણ નામ રોશન કર્યું છે. તેમની આ સિદ્ધિથી ડાંગના યુવાનોમાં સાહસ, રમતગમત અને પર્વતારોહણ ક્ષેત્રે આગળ વધવાની નવી પ્રેરણા મળી છે.
About the Author
