ખેતરરમાં પત્નીનું ગળું દબાવી હત્યા કરી ફરાર થયેલો પતિ ગણતરીના કલાકોમાં ઝડપાયો
સાબરકાંઠા LCBને સફળતા: સાબરકાંઠા જિલ્લાના જાદર પોલીસ સ્ટેશન વિસ્તારમાં આવેલ હરીપુરા ગામની સીમમાં ચારિત્ર્ય અંગે શંકા રાખી પત્નીની કરપીણ હત્યા કરી ભાગી છૂટેલા પતિને સાબરકાંઠા લોકલ ક્રાઈમ બ્રાન્ચ (LCB)ની ટીમે ગણતરીના કલાકોમાં ઝડપી પાડી જેલભેગો કર્યો છે.
જાદર પોલીસ મથક વિસ્તારના હરીપુરા ગામની સીમમાં આવેલા હૈદર ભાઈ બાદરપુરા નામના ખેતરમાં આવેલી ઓરડીમાંથી સોનીબેન રમેશભાઈ પારધી (ઉં.વ. ૨૬) નામની મહિલાની લાશ ગોદડું ઓઢાડેલી હાલતમાં શંકાસ્પદ મળી આવી હતી.
બનાવ બાદ મૃતકના પતિ રમેશભાઈ કેસરાભાઈ પારધી રહે. મેંડાવલ, તા. કોટડા છાવણી, જિ. ઉદયપુર, રાજસ્થાન ઓરડી પરથી ફરાર થઈ ગયો હતો.
આ અંગે મૃતકના ભાઈ મુમતાજભાઈ ફોજાભાઈ ગમારે જાદર પોલીસ મથકે ફરિયાદ નોંધાવી હતી. ફરિયાદના આધારે પોલીસે તપાસ શરૂ કરી હતી. તપાસ દરમિયાન સાબરકાંઠા LCBની ટીમે ટેક્નિકલ અને હ્યુમન ઈન્ટેલિજન્સના આધારે આરોપી પતિને ઝડપી પાડ્યો હતો.
પોલીસ તપાસમાં પ્રાથમિક રીતે પત્નીના ચારિત્ર્ય અંગે શંકા રાખીને પતિએ ગળું દબાવી હત્યા કરી હોવાની વિગતો સામે આવી હોવાનું જાણવા મળ્યું છે. ઘટનાને લઈને જાદર પોલીસ દ્વારા વધુ તપાસ હાથ ધરવામાં આવી છે.મોઈદ ખાન હિંમતનગર
About the Author
