*ગાંધી જયંતી નિમિત્તે વધઇ મામલતદાર કચેરી ખાતે ‘સેવા સંકલ્પ અભિયાન’: મામલતદાર સહિતના અધિકારી કર્મચારીઓએ શ્રમદાન કરી સફાઈ સફાઈ અભિયાનમાં લીધો ભાગ :*
–
*રિપોર્ટર ; ઝાકિર ઝંકાર , ડાંગ વઘઈ*
તા: ૨: રાષ્ટ્રપિતા મહાત્મા ગાંધીજીની જન્મ જયંતિ નિમિત્તે ‘સ્વચ્છતા એ જ સેવા’ અને ‘સેવા સંકલ્પ અભિયાન’ અંતર્ગત આજરોજ વઘઇ મામલતદાર કચેરી સંકુલમાં સફાઈ ઝુંબેશનું આયોજન કરવામાં આવ્યું હતું. પૂજ્ય બાપુના સ્વચ્છતાના સંદેશને સાર્થક કરવાના ભગીરથ ઉદ્દેશ્ય સાથે યોજાયેલા આ કાર્યક્રમમાં વઘઇ મામલતદાર શ્રી અર્જુનભાઇ ચૌહાણ, સહિત તમામ અધિકારીશ્રીઓ અને કર્મયોગીઓએ ઉત્સાહભેર જોડાઈને સફાઈ કરી હતી.
મામલતદાર કચેરીના સમગ્ર પરિસર તેમજ સંકુલના દરેક માળ અને ખૂણે-ખૂણાને સ્વચ્છ અને સુઘડ બનાવવા માટે વિશેષ શ્રમદાન કરવામાં આવ્યું હતું. આ ઝુંબેશ દરમિયાન કચેરીના કમ્પાઉન્ડ અને પરિસરમાં ઉગી નીકળેલા બિનજરૂરી ઝાડી-ઝાંખરને દૂર કરીને સમગ્ર કચેરી પરિસરને સ્વચ્છ અને આહલાદક રૂપ આપવામાં આવ્યું હતું.
–
About the Author
