*ડાંગ જિલ્લા સહિત સમગ્ર ગુજરાત રાજ્યના વનરક્ષકોની ખાખી વર્દી પર કાળી પટ્ટી: પડતર પ્રશ્નોના નિરાકરણ માટે આંદોલન બીજા તબક્કામાં પ્રવેશી ચૂક્યું છે*
*રિપોર્ટર: ઝાકિર ઝંકાર, ડાંગ આહવા*
આહવા, ડાંગ ગુજરાત રાજ્ય વનરક્ષક કર્મચારી મંડળ દ્વારા લાંબા સમયથી પડતર રહેલા પ્રશ્નોના નિરાકરણ માટે શરૂ કરવામાં આવેલું આંદોલન હવે બીજા તબક્કામાં પ્રવેશ્યું છે. આંદોલનના ભાગરૂપે ડાંગ જિલ્લા સહિત સમગ્ર રાજ્યના વનરક્ષક અને વનપાલ કર્મચારીઓએ પોતાની ખાખી વર્દી પર કાળી પટ્ટી (રીબીન) લગાવીને પોતાની ફરજ બજાવી છે અને સરકાર તથા જવાબદાર તંત્રનું ધ્યાન દોર્યું છે.
“વેદનાનું પ્રતીક છે, વિરોધ નહીં”
આ અંગે ડાંગ જિલ્લા વનરક્ષક કર્મચારી મંડળના પ્રમુખે સ્પષ્ટતા કરતા જણાવ્યું હતું કે, “ખાખી વર્દી પર કાળી પટ્ટી બાંધતાં અમારો જીવ અચકાય છે, કારણ કે ખાખી અમારું ગૌરવ અને ઓળખ છે. આ કાળી પટ્ટી કોઈ વ્યક્તિ કે સરકાર સામેનો વિરોધ નથી, પરંતુ અમારી વેદનાનું પ્રતીક છે.” કર્મચારીઓએ જણાવ્યું હતું કે આ કાળી રીબીન કોઈ અધિકારી વિરુદ્ધનો રોષ નથી, પરંતુ વર્ષોથી પડતર રહેલા પ્રશ્નો પ્રત્યેની તેમની વેદના અને શાંતિપૂર્ણ રજૂઆતનો અવાજ છે.
ગાંધીચિંધ્યા માર્ગે શાંતિપૂર્ણ આંદોલન
વન વિભાગના આ કર્મચારીઓની ફરજ પ્રત્યેની નિષ્ઠા અતૂટ અને અડગ છે. જંગલ અને વન્યજીવોના રક્ષણ માટે દિવસ-રાત જોયા વગર સેવા આપતા આ કર્મચારીઓનું માનવું છે કે ફરજ જેટલી મહત્વની છે, એટલું જ કર્મચારીઓના હક્કો અને પ્રશ્નોનું નિરાકરણ પણ જરૂરી છે. કર્મચારીઓ કોઈ પણ પ્રકારના કામના ભંગ વગર, સંપૂર્ણ શિસ્ત સાથે ગાંધીચિંધ્યા માર્ગે પોતાનું આંદોલન આગળ ધપાવી રહ્યા છે.
વનરક્ષક કર્મચારીઓ હવે પ્રબળ આશા સેવી રહ્યા છે કે સરકાર અને ઉચ્チ તંત્ર દ્વારા તેમની વર્ષો જૂની માંગણીઓ અને પડતર પ્રશ્નોનું સહાનુભૂતિપૂર્વક અને વહેલી તકે સંતોષકારક નિરાકરણ લાવવામાં આવશે.
*”ખાખી વર્દી પર કાળી પટ્ટી બાંધતાં અમારો જીવ અચકાય છે, કારણ કે ખાખી અમારું ગૌરવ અને ઓળખ છે.”*
*”આ કાળી પટ્ટી કોઈ વ્યક્તિ કે સરકાર સામેનો વિરોધ નથી, પરંતુ અમારી વેદનાનું પ્રતીક છે.”*
*”વર્ષોથી પડતર રહેલા પ્રશ્નો તરફ જવાબદાર તંત્રનું ધ્યાન દોરવા અમે આ માર્ગ અપનાવ્યો છે.”*
*”અમારી ફરજ પ્રત્યેની નિષ્ઠા અડગ છે, પરંતુ અમારા હક્કો અને પ્રશ્નોનું નિરાકરણ પણ એટલું જ જરૂરી છે.”*
*”કાળી પટ્ટી વિરોધ નહીં, પરંતુ ખાખીધારી કર્મચારીના દિલની વેદનાનો અવાજ છે.”*
*હકમ રબારી*
*પ્રમુખ, ડાંગ જિલ્લા વનરક્ષક કર્મચારી મંડળ, આહવા*
About the Author
