### **આહવાના સામાજિક કાર્યકર ઝાકિર ઝંકાર :
પાંચ માં અને બાપની સત્ર છાયા ગુમાવનાર બાળકોના “પાલક પિતા” બની જીવન સમર્પિત કરનાર એક પ્રેરણાદાયી વ્યક્તિત્વ**
ડાંગ જિલ્લાના આહવા ગામમાં રહેતા **ઝાકિર ઝંકાર**, આજે માત્ર સમાજમાં આગેવાન તરીકે નહીં પરંતુ માનવતા, કરુણા અને ત્યાગના જીવતા ઉદાહરણ તરીકે જાણીતા છે.
વર્ષો પહેલાં તેમની બહેનના અચાનક અવસાનના કારણે **ચાર દીકરીઓ અને એક નાનો દીકરો માં, બાપ વિનાના** થઈ ગયા હતા. તે સમયે આ પાંચેય બાળકો એટલા નાના હતા કે તેઓ “માતા–પિતા” શબ્દનો અર્થ પણ સમજી શકતા ન હતા. આવી વિસ્મયજનક મુશ્કેલીના સમયમાં **ઝાકિરભાઈએ મામાનો નહીં, પરંતુ “પાલક પિતાનો” દરજો મેળવી જવાબદારી પોતાના ખભા પર લીધી.**
#### **માસી મુમતાઝબેન – માતા સમાન ત્યાગનું ઉદાહરણ**
ઝાકિરભાઈ સાથે તેમની બહેન મુમતાઝબેન પણ દીકરીઓ અને દીકરાને પોતાની સંતાન સમા ઉછેરવા માટે **જીવનભર લગ્ન ન કર્યા**, ફક્ત બાળકોના ભવિષ્યને સુંદર બનાવા પોતાને સમર્પિત કરી દીધાં.
#### **ઝાકિર ઝંકારનો અસીમ ત્યાગ : યુવાની સમર્પિત કરી**
ઝાકિરભાઈએ પોતાના યુવાનીના સુવર્ણ વર્ષો, પોતાનું જીવન, મોજશોખ, દરેક ભાવનાઓનો ત્યાગ કરી પાંચેય માં બાપ વિનાના બાળકોને એવો ઉછેર આપ્યો કે તેમને ક્યારેય માતાપિતાની ખોટ અનુભવાઈ જ નહીં.
જ્યાં માતા–પિતાનું આકાશ ખાલી હતું, ત્યાં ઝાકિરભાઈ **આકાશની જેમ છત્રછાયા બની ઊભા રહ્યા.**
#### **શિક્ષણ જ જીવનનો આધાર – પાંચેય બાળકોને પગભર બનાવ્યા**
ઝાકિરભાઈએ પોતાની મહેનત–મજૂરીની આવકમાંથી બાળકોને ઉચ્ચ શિક્ષણ અપાવ્યું:
* **પ્રથમ દીકરી – શિક્ષિકા (Teacher)**
* **બીજી દીકરી – ગાયનેકોલોજિસ્ટ (Doctor)**
* **ત્રીજી દીકરી – BCA & MCA પૂર્ણ**
* **ચોથી દીકરી – લેબ ટેકનિશિયન**
* **અને દીકરો – B.Sc IT**
આજે બધા પોતપોતાના પગે મજબૂત ઉભા છે, કોઇપણ તકલીફ વગર જીવન જીવી શકે તેવી મજબૂત પાયાની ભેટ ઝાકિરભાઈએ આપી છે.
ચાર દીકરીઓમાંથી બેના લગ્ન થઈ ગયા છે અને ત્રીજી દીકરીના લગ્નની તૈયારીઓ ચાલી રહી છે.
#### **જાત–પાતનો ભેદભાવ નથી, સર્વધર્મ સમભાવ તેમની ઓળખ**
ઝાકિર ઝંકારની સૌથી વિશેષ વાત એ છે કે તેઓ **જાત–પાત, ઊંચ-નીચ, ધર્મના ભેદભાવથી ઉપર ઉઠેલ વ્યક્તિત્વ** છે.
મંદિર હોય કે મસ્જિદ કે ચર્ચ – સર્વધર્મમાં સમાન શ્રદ્ધા ધરાવે છે.
સમાજના દરેક ધર્મ, દરેક જાતિના લોકો તેમનો માન-સન્માન કરે છે.
#### **સમાજ સેવા – જીવનનો સ્વભાવ**
નાની ઉંમરમાં જ પિતાનું છત્ર ગુમાવી ઝાકિરભાઈ પરિવારના મુખ્યસ્તંભ બની ઊભા રહ્યા અને વર્ષો સુધી પરિવાર તેમજ સમાજની જવાબદારીઓ નિભાવતા આવ્યા.
ઝાકિર ઝંકાર નાનપણથી જ દરેક જાત ધર્મના લોકોને કઈ પણ તકલીફમાં હોસ્પિટલ લાવવા લઈ જવા,લોહીની જરૂર હોય તો પોતે ડોનેટ કરવા અથવા વ્યવસ્થા કરી આપવા,કોઈને વધુ સારવારની જરૂર હોય તો એમણે બહાર હોસ્પિટલ પહોંચાડવા લાવવા આર્થિક રીતે નબળા ને રોકડ પૈસાની મદદ કરવા,ગમે તિયાં લાવારિસ ડેથ બોડી હોય તો પોલીસ ને જાણ કરવા કે સાથે રહીને ગમે તેવી સડી ને ગળી ગયેલી બોડી હોય તો પણ એનું વિધિવત અંતિમ સંસ્કાર કરવા,ડાંગ જંગલ વિસ્તાર હોવાથી ગમે તિયાં સાપ,અજગર જેવા સરિસૃપો પકડીને હેમખેમ જંગલમાં છોડવા ગરીબ બહેન દીકરી ઓનાં લગ્નમાં મંડપ વગેરેની આર્થિક મદદ કરવા ,કોરોના કાલની મહામારી માં રાત દિવસ પોતાની જાનની પરવાહ કર્યા વગર લોકોને મદદ કરવા ,કોરોના ની ડેથ થયેલ બોડી નું અંતિમ સંસ્કાર કરવા ,ડેથ થયેલ બોડી ગામેગામ પહોંચાડવા દરેક સેવાકીય કાર્યમાં પ્રથમ
ગામમાં કોઈ ગરીબ–બીમાર–મજૂર–વંચિત વ્યક્તિ તકલીફમાં હોય તો **સૌથી પહેલું નામ ઝાકિર ઝંકાર** યાદ આવે છે.
—
### **ઝાકિર ઝંકાર —
એક નામ નહીં, પરંતુ માનવતા, ત્યાગ અને સમાજસેવાનું પ્રેરણાસ્રોત**
આજે પણ તેઓ ડાંગ જિલ્લામાં “ઝાકિર ઝંકાર” નામે ઓળખાય છે –
**સદ્ભભાવના, ત્યાગ, માનવતા અને સેવા જ્યાં મળે ત્યાં ઝાકિરભાઈ ઊભા જોવા મળે છે.**
About the Author
