
### **ઓપરેશન ‘મિલાપ’ અંતર્ગત સગીર વયની દીકરીને ગણતરીના કલાકોમાં શોધી પરિવાર સાથે પુનઃમિલન કરાવતી વઘઈ પોલીસની સરાહનીય કામગીરી**
ઝાકિર ઝંકાર: આહવા
ડાંગ જિલ્લાના વઘઈ પોલીસ સ્ટેશન વિસ્તારની એક **સગીર વયની દીકરી ઘરે કોઈને જાણ કર્યા વગર નીકળી ગયેલી** હતી. ઘટનાની માહિતી મળતા જ વઘઈ પોલીસ સ્ટેશનની ટીમે તાત્કાલિક કાર્યવાહી હાથ ધરી અને **ગણતરીના કલાકોમાં દીકરીને સુરક્ષિત શોધી કાઢી તેના પરિવાર સાથે પુનઃમિલન કરાવ્યું**.
ડાંગ જિલ્લા પોલીસ અધિક્ષક **સુશ્રી પૂજા યાદવ (IPS)**, આહવા દ્વારા જિલ્લામાં નોંધાતા **ગુમશુદા તથા અપહરણ સંબંધિત ગુનાઓમાં સંવેદનશીલતા સાથે ઝડપી તપાસ** કરવા સૂચના આપવામાં આવી હતી. આ સૂચનાઓના અનુસંધાને **શ્રી જનેશ્વર નલવાયા**, નાયબ પોલીસ અધિક્ષક, એસ.સી./એસ.ટી. સેલ, ડાંગ (આહવા)ના માર્ગદર્શન હેઠળ વઘઈ પોલીસ સ્ટેશન દ્વારા તરત જ શોધખોળ શરૂ કરવામાં આવી.
પોલીસ ઇન્સ્પેક્ટર **શ્રી વી. કે. ગઢવી**ના નેતૃત્વમાં અલગ-અલગ ટીમો રચી **ટેક્નિકલ સોર્સ અને હ્યુમન સોર્સ**ના આધારે તપાસ હાથ ધરવામાં આવી. તપાસ દરમિયાન સગીર દીકરી **મહારાષ્ટ્રમાં હોવાની માહિતી** મળતા તાત્કાલિક **સબ-પોલીસ ઇન્સ્પેક્ટર શ્રી જે. જી. અનડકટ**ની ટીમને મહારાષ્ટ્ર મોકલવામાં આવી.
ટીમ દ્વારા સગીર દીકરીનો સંપર્ક કરી **યોગ્ય કાઉન્સેલિંગ** આપવામાં આવ્યું અને તેને સુરક્ષિત રીતે વઘઈ પોલીસ સ્ટેશન લાવી **પરિવાર સાથે પુનઃમિલન કરાવાયું**.
—
### **આ કામગીરીમાં જોડાયેલા અધિકારીઓ / કર્મચારીઓ**
૧. શ્રી વી. કે. ગઢવી — પોલીસ ઇન્સ્પેક્ટર
૨. શ્રી જે. જી. અનડકટ — સબ-પોલીસ ઇન્સ્પેક્ટર
૩. અ. હે. કો. જયરામભાઈ સીમગુભાઈ (બ.નં. ૧૫૫)
૪. અ. હે. કો. દિનેશભાઈ પાંડુભાઈ (બ.નં. ૧૫૯)
૫. વુ. પો. કો. કોમલબેન નાથાભાઈ (બ.નં. ૨૦૯)