*સુબીર તાલુકાના પાંઢરપાડા ગામે ક્લસ્ટર આધારિત પ્રાકૃતિક કૃષિની તાલીમ યોજાઈ :*
–
ઝાકિર ઝંકાર : આહવા: તા: ૦૯
ડાંગ જિલ્લામાં પ્રાકૃતિક કૃષિને પ્રોત્સાહન આપવાના ઉદ્દેશ થી આત્મા પ્રોજેક્ટના સહયોગથી ગ્રામ પંચાયત દીઠ ક્લસ્ટર આધારિત પ્રાકૃતિક કૃષિની તાલીમોનું આયોજન કરવામાં આવી રહ્યું છે. જે અંતર્ગત સુબીર તાલુકાના પાંઢરપાડા ગામે પ્રાકૃતિક કૃષિની તાલીમ યોજાઈ હતી.
આ તાલીમ કૃષિ સખી દ્વારા ખેડૂતોને પ્રાકૃતિક કૃષિ અંગે માર્ગદર્શન આપવામાં આવ્યું હતું. સાથે સાથે જીવામૃત તથા નીમાસ્ત્ર બનાવવાની પ્રાયોગિક (પ્રેક્ટિકલ) તાલીમ પણ સ્થળ પર આપવામાં આવી હતી. આ તાલીમ દરમિયાન કૃષિ સખીએ ખેડૂતોને પ્રાકૃતિક કૃષિના ફાયદાઓ તેમજ રસાયણમુક્ત ખેતી તરફ વળવાની મહત્વતા અંગે માહિતી આપી હતી.
ઉલ્લેખનીય છે કે, ડાંગ જિલ્લાના અંતરિયાળ વિસ્તારોમાં પ્રાકૃતિક કૃષિને વેગ આપવા માટે સતત તાલીમ કાર્યક્રમો યોજાઈ રહ્યા છે, જેના કારણે ખેડૂતોમાં પ્રાકૃતિક કૃષિ પ્રત્યે જાગૃતિ વધતી જઈ રહી છે.
–
About the Author
