जानेफळ येथे डॉ. अण्णाभाऊ साठे जयंती शांततेत पार; ठाणेदार शरद माळी यांचा सत्कार
जानेफळ (प्रतिनिधी): जानेफळ येथे साहित्यरत्न डॉ. अण्णाभाऊ साठे यांची जयंती शांततापूर्ण व उत्साहपूर्ण वातावरणात पार पडली. जयंती सोहळा शांततेत आणि सुरळीत पार पाडण्यासाठी पोलिस प्रशासनाने दिलेल्या सहकार्याबद्दल अण्णाभाऊ साठे युवा प्रतिष्ठानच्या वतीने ठाणेदार शरद माळी तसेच त्यांच्या सहकारी पोलिस कर्मचाऱ्यांचा शाल व श्रीफळ देऊन सत्कार करण्यात आला.
यावेळी प्रतिष्ठानच्या पदाधिकाऱ्यांनी पोलिस प्रशासनाच्या तत्पर नियोजनाचे आणि कायदा व सुव्यवस्था राखण्यासाठी केलेल्या कार्याचे कौतुक केले. ठाणेदार शरद माळी यांनीही सर्व नागरिकांनी शांतता, सामाजिक सलोखा आणि परस्पर सहकार्याची भावना कायम ठेवत प्रशासनाला सहकार्य केल्याबद्दल आभार व्यक्त केले.
या सत्कार कार्यक्रमास अण्णाभाऊ साठे युवा प्रतिष्ठानचे पदाधिकारी, सदस्य, सामाजिक कार्यकर्ते तसेच ग्रामस्थ उपस्थित होते. कार्यक्रम आनंदी व सौहार्दपूर्ण वातावरणात पार पडला.
About the Author
