મોડાસામાં આરટીઆઈ (RTI) અને બાંધકામની અદાવતમાં હુમલો કરનાર મુખ્ય આરોપી નૌશાદભાઇ મઝહરઅલી સૈયદની પોલીસે કરી અટકાયત!
મોડાસા ટાઉન પોલીસ સ્ટેશન વિસ્તારમાં આવેલા ગરીબનવાઝ-૨ સોસાયટી પાસે જૂની રંજિશ અને નગરપાલિકામાં કરેલી અરજીઓ તેમજ આરટીઆઈ (RTI) ની તકરારમાં યુવક પર હુમલો કરવાના ચકચારી કેસમાં પોલીસે મુખ્ય આરોપી નૌશાદભાઇ મઝહરઅલી સૈયદની અટકાયત કરી કાયદેસરની કાર્યવાહી હાથ ધરી છે.!
ફરિયાદી નઇમ ઇકબાલહુસૈન ટાઢા પોતાના પ્લોટ પાસે ઉભા હતા ત્યારે આરોપી નૌશાદભાઇ મઝહરઅલી સૈયદ અને તેના સાથીદારોએ એકસંપ થઈને તેમની પર લાકડી અને ગડદા-પાટુનો માર માર્યો હતો. આરોપી ઈસમોએ ફરિયાદી પર “મહિલાઓની છેડતી કરે છે” તેવો ખોટો આક્ષેપ મૂકી તેમના કપડાં ફાડી નાખ્યા હતા અને જાનથી મારી નાખવાની ધમકી આપી બીભત્સ ગાળો બોલી હતી.!
આરોપી નૌશાદભાઇ મઝહરઅલી સૈયદે ફરિયાદીને પકડી રાખીને “અમારા બાંધકામ વિરુદ્ધ નગરપાલિકામાં કેમ અરજીઓ કરે છે અને બે વર્ષથી આરટીઆઈ (RTI) કરીને હેરાન કરે છે?” તેમ કહીને પુરાવા નાબૂદ કરવાની દાનતથી ફરિયાદીનો રૂ. ૪૭,૦૦૦ ની કિંમતનો રીયલમી (Realme) કંપનીનો મોબાઈલ ફોન પણ તોડી નાખ્યો હતો.!
ફરિયાદીની ફરિયાદના આધારે મોડાસા ટાઉન પોલીસે બી.એન.એસ. (BNS) ની કલમો ૧૧૫(૨), ૩૫૨, ૩૫૧(૩), ૫૪, ૩૨૪(૪) તથા જી.પી.એ. કલમ ૧૩૫ હેઠળ ૬ આરોપીઓ સામે ગુનો નોંધી આગળની તપાસ હાથ ધરી છે. મુખ્ય આરોપી નૌશાદભાઇ મઝહરઅલી સૈયદની અટકાયત કર્યા બાદ પોલીસ અન્ય સહ-આરોપી ઈસમોની ધરપકડ માટે પણ આગળની કાયદાકીય તપાસ ચલાવી
રહી છે.!
About the Author
