મોડાસામાં બદનક્ષીભર્યો ઓડિયો વાયરલ કરી વેપારીને જાનથી મારી નાખવાની ધમકી: પિતા-પુત્ર સામે પોલીસ ફરિયાદ દાખલ
સોશિયલ મીડિયામાં ખોટા આક્ષેપો ફેલાવી વેપારીને તડીપાર કરવાની અને ટાંટિયા તોડી નાખવાની ધમકી આપતાં મોડાસા ટાઉન પોલીસે BNS હેઠળ ગુનો નોંધી તપાસના ચક્રો ગતિમાન કર્યા!
રિપોર્ટર પિયુષ પટેલ: અરવલ્લી મોડાસા:
મોડાસા શહેરમાં સોશિયલ મીડિયા ગ્રૂપમાં બદનક્ષીભર્યો ઓડિયો વાયરલ કરી પ્રતિષ્ઠિત વેપારીને જાહેરમાં ગંદી ગાળો ભાંડી જાનથી મારી નાખવાની ધમકી આપવાનો સનસનાટીભર્યો મામલો સામે આવ્યો છે. ટ્રાન્સપોર્ટ સોસાયટીના ડીઝલના નાણાં બાકી હોવાની ખોટી અફવા ફેલાવી બદનામ કરવા બાબતે થયેલી તકરારમાં મોડાસા ટાઉન પોલીસે પિતા-પુત્ર સામે ભારતીય ન્યાય સંહિતા (BNS) હેઠળ ગુનો નોંધી કાયદેસરની તપાસ હાથ ધરી છે.
મોડાસાના ધનસુરા રોડ સ્થિત ગ્રીનપાર્ક સોસાયટીમાં રહેતા અને ટ્રાન્સપોર્ટ તથા ખેતી સાથે સંકળાયેલા ૬૩ વર્ષીય વેપારી સલીમભાઈ ઇસ્માઈલભાઈ દાદુએ મોડાસા ટાઉન પોલીસ મથકે નોંધાવેલી ફરિયાદ મુજબ શિમલાની પાર્કમાં રહેતા સલાઉદ્દીન ઉસ્માનભાઈ મનવા અને તેના પિતા ઉસ્માનભાઈ ઉમરભાઈ મનવાએ મોબાઈલ મારફતે ‘કોલેજ રોડ’ તથા ‘ઓલ ઈન્ડિયા’ નામના વોટ્સએપ ગ્રૂપમાં એક બદનક્ષીકારક ઓડિયો વાયરલ કર્યો હતો.
આ ઓડિયોમાં ‘ધી મોડાસા રોડ ટ્રાન્સપોર્ટ કો. સોસાયટી’ના ડીઝલના નાણાં બાકી હોવાના ખોટા આક્ષેપો કરી વેપારીની સામાજિક અને વ્યાપારિક પ્રતિષ્ઠાને ભારે નુકસાન પહોંચાડવાનો પ્રયાસ કરવામાં આવ્યો હતો.
વેપારીએ આ અંગે ટ્રાન્સપોર્ટ સોસાયટીમાં લેખિત અરજી કરતા સંસ્થાએ લેટરપેડ પર સ્પષ્ટતા કરી હતી કે કોઈ નાણાં બાકી નથી.
કાદરશાહ દરગાહ નજીક જાહેરમાં ધમકી અને ગાળાગાળી
ટ્રાન્સપોર્ટ સોસાયટીમાં અરજી કરવાથી ઉશ્કેરાયેલા સલાઉદ્દીન મનવા અને તેના પિતા ઉસ્માન મનવાએ ઘાંચી આરોગ્ય મંડળની ગલી પાસે કાદરશાહ દરગાહ નજીક ફરિયાદીને રોક્યા હતા. આરોપીઓએ ઉગ્ર બની ગંદી ગાળો આપતા કહ્યું હતું કે, “અમારા સંબંધો ઊંચા છે, અમારું કોઈ કંઈ બગાડી નહીં શકે. અગાઉ પણ ખોટા કેસો કર્યા છે અને હજુ પણ ખોટી ફરિયાદો કરી તમને બંને ભાઈઓને ગામમાંથી તડીપાર કરાવી દઈશું.”
તે સમયે ફરિયાદીના ભાઈ કાસીમભાઈ તેમજ સાકીરભાઈ ટીંટોઈયા વચ્ચે પડતાં આરોપીઓએ બંને ભાઈઓના ટાંટિયા તોડી નાખી જાનથી મારી નાખવાની ધમકી આપી હતી.
પોલીસે ૩૨ GB પેનડ્રાઈવ જપ્ત કરી તપાસ આદરી
ફરિયાદીએ વાયરલ ઓડિયોવાળી ૩૨ GBની પેનડ્રાઈવ તથા સોસાયટીના સત્તાવાર ખુલાસાના દસ્તાવેજો પોલીસ સમક્ષ રજૂ કર્યા છે. મોડાસા ટાઉન પોલીસે સલાઉદ્દીન ઉસ્માનભાઈ મનવા અને ઉસ્માનભાઈ ઉમરભાઈ મનવા વિરુદ્ધ BNS ની કલમ ૨૯૬(બી), ૩૫૨, ૩૫૧(૨), ૩૫૬ અને ૫૪ હેઠળ ગુનો નોંધી વધુ તપાસ હેડ કોન્સ્ટેબલ રાહુલકુમાર પરમા
રને સોંપી છે.
About the Author
