हदगाव, दि. १९
नांदेड जिल्हा प्रतिनिधी/विठ्ठल कदम शिवपुरीकर (सा. वा.)- केंद्र सरकारच्या धरती आबा जनजाती उत्कर्ष अभियान अंतर्गत आदिवासी योजना राबवण्यासाठी भागात विविध शासकीय कॅम्पला दांडी मारणाऱ्या अधिकारी-कर्मचाऱ्यांना तहसीलदारांनी कारणे दाखवा नोटीस बजावूनही त्यांनी नोटिसीलाच केराची टोपली दाखविली आहे. त्यामुळे याचा अहवाल जिल्हाधिकारी कार्यालयात पोहोचला आहे. याबाबत आदिवासी
संघटनांनी प्रशासनाकडे तक्रार दाखल करत अनुसूचित जाती-जमाती अत्याचार प्रतिबंधक कायद्यातंर्गत गुन्हा दाखल करण्याची मागणी केली होती. त्यानंतर त्यानंतर तहसीलदार, हदगाव यांनी संबंधितांना उपविभागीय अधिकारी हदगाव, तहसीलदारांनी संबंधितांना कारणे दाखवा नोटीस बजावली. अधिकारी कर्मचाऱ्यांनी नोटिसीलाच केराची टोपली दाखवत मुजोरपणा दाखविला.
स्मरण पत्र पाठवून अहवाल सादर करण्यास निर्देशित केले. अन्यथा वरिष्ठांकडे कारवाईसाठी आपला प्रस्ताव पाठवण्यात येईल, असे स्पष्ट आदेश काढून सुद्धा प्रशासकीय यंत्रणेत काम करणाऱ्या विभाग प्रमुख आणि कर्मचाऱ्यांनी यास कोणताही प्रतिसाद दिला नाही.
आता हा संपूर्ण अहवाल जिल्हाधिकारी कार्यालयात पोहोचला आहे. कारवाईच्या पाठपुराव्याकरिता आदिवासी कर्मचारी संघटनेचे
हिमायतनगर तालुका सचिव डॉ.डी.डी. गायकवाड, अध्यक्ष अशोक डवरे, पालक समन्वय समिती हादगावचे शंकर मेंडके, अॅड. रामदास डवरे, मनोहर माहुरे, डॉ. माधव भुरके, संतोष डवरे, अंकुश मिरासे, किशोर सरकुंडे, शंकर भिसे, विठ्ठल धुमाळे, ज्ञानेश्वर भडंगे, पंडित साबळे, संजय वाळके, बाळू गवले, रामदास डोखळे, संजय माझळकर, संदीप राठोड आदींनी सहकार्य केले आहे
About the Author
