*ડાંગ જિલ્લાના કલેક્ટર શ્રી ની અધ્યક્ષતામાં બોર્ડની પરીક્ષા સંદર્ભે સમીક્ષા બેઠક યોજાઇ*
રિપોર્ટ:
*ઝાકિર ઝંકાર*: આહવા :ડાંગ
ડાંગ જિલ્લાના કલેક્ટર સુશ્રી શાલિની દુહાનના અધ્યક્ષતામાં ધોરણ ૧૦ અને ૧૨ બોર્ડ પરીક્ષાને લઈને સમીક્ષા બેઠક યોજાઈ હતી. રાજ્યમાં ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવાતી પરીક્ષાઓ તા. ૨૬ ફેબ્રુઆરીથી ૧૮ માર્ચ ૨૦૨૬ દરમિયાન યોજાશે.
ડાંગ જિલ્લામાં કુલ ૨૫ કેન્દ્રોના ૨૨૦ બ્લોકમાં ૬,૩૩૯ વિદ્યાર્થીઓ પરીક્ષા આપશે. તેમાં ધોરણ ૧૦ના ૩,૭૫૯, ધોરણ ૧૨ સામાન્ય પ્રવાહના ૨,૧૬૦ અને વિજ્ઞાન પ્રવાહના ૪૨૦ વિદ્યાર્થીઓનો સમાવેશ થાય છે.
બેઠકમાં પરીક્ષાર્થીઓને નિર્ભય અને શાંતિપૂર્ણ વાતાવરણ મળે તે માટે ટ્રાફિક વ્યવસ્થા, પોલીસ પેટ્રોલિંગ, વીજ પુરવઠો, CCTV મોનિટરિંગ અને આરોગ્ય સુવિધાઓ અંગે જરૂરી સૂચનાઓ આપવામાં આવી હતી. જિલ્લા શિક્ષણાધિકારી સહિત સંબંધિત અધિકારીઓ હાજર રહ્યા હતા.
About the Author
