*આહવામાં કોંગ્રેસના વિરોધ પ્રદર્શનના વળતા પ્રહારમાં ભાજપ યુવા મોરચા દ્વારા રાહુલ ગાંધીના પૂતળા નું દહન*
રિપોર્ટર:
ઝાકિર ઝંકાર : આહવા: તા,૨૧
ડાંગ જિલ્લાના આહવા ખાતે રાજકીય માહોલ ગરમાયો હતો, જ્યારે ભારતીય જનતા પાર્ટીની યુવા શાખા ભારતીય જનતા યુવા મોરચા દ્વારા કોંગ્રેસ વિરુદ્ધ આક્રમક વિરોધ પ્રદર્શન યોજાયું હતું. દિલ્હીમાં કોંગ્રેસના યુવા કાર્યકરો દ્વારા કરાયેલા વિરોધ પ્રદર્શનના પ્રતિસાદરૂપે આ કાર્યક્રમ યોજવામા આવ્યો હતો.
ડાંગ ભાજપ યુવા મોરચાના કાર્યકરો મોટી સંખ્યામાં એકત્રિત થઈ કોંગ્રેસ વિરોધી સૂત્રોચ્ચાર કર્યા હતા. આ દરમિયાન રાહુલ ગાંધી ના પૂતળા નું દહન કરી પોતાનો વિરોધ વ્યક્ત કર્યો હતો.
યુવા મોરચાના હોદ્દેદારોએ જણાવ્યું હતું કે કોંગ્રેસ દ્વારા અપનાવવામાં આવતી નકારાત્મક રાજનીતિનો યોગ્ય જવાબ આપવામાં આવશે અને પાર્ટી કાર્યકરો આવા મુદ્દાઓ પર મૌન નહીં રહે. કાર્યક્રમ દરમિયાન સ્થાનિક આગેવાનો અને કાર્યકરો ઉત્સાહપૂર્વક જોડાયા હતા.
દિલ્હીમાં કોંગ્રેસ દ્વારા કરાયેલા વિરોધ પ્રદર્શન ના વળતા જવાબ ના આ કાર્યક્રમને કારણે જિલ્લામાં રાજકીય માહોલ ગરમાવવા સાથે ચર્ચાઓ તેજ બની હતી
About the Author
