*ડાંગ: અલ્ટ્રા મોડલ એજન્સી મામલે તપાસ તેજ!*
*રિપોર્ટર ; ઝાકિર ઝંકાર , આહવા ડાંગ*
ડાંગ જિલ્લા આરોગ્ય વિભાગ સાથે સંકળાયેલા અલ્ટ્રા મોડલ એજન્સી મામલે અહેવાલો પ્રસિદ્ધ થયા બાદ તપાસ હાથ ધરવામાં આવી છે. આ અંગે ADHO ડૉ. એચ. એમ. ગામીતે જણાવ્યું હતું કે સમગ્ર મામલે તપાસ ચાલી રહી છે અને સંબંધિત કર્મચારીઓ તથા એજન્સી સાથે જોડાયેલા લોકોના નિવેદનો લેવામાં આવ્યા છે.
આ દરમિયાન વાયરલ થયેલા એક વીડિયોમાં એવો દાવો કરવામાં આવ્યો હતો કે ટેક્સ બચાવવાના હેતુથી કર્મચારીઓના ખાતામાં રકમ જમા કરાવવામાં આવી હતી અને ત્યારબાદ તે રકમ પરત ઉપાડી લેવામાં આવી હતી. આ દાવા અંગે પણ તપાસ શરૂ કરવામાં આવી હોવાનું જાણવા મળે છે.
આઉટસોર્સ કર્મચારીઓના ખાતામાં રકમ જમા કરાવી બાદમાં પરત ઉપાડી લેવામાં આવી હોવાના આક્ષેપોને લઈને સમગ્ર મામલો તપાસ હેઠળ છે.
ડૉ. એચ. એમ. ગામીતના જણાવ્યા મુજબ, તપાસ પૂર્ણ થયા બાદ હકીકતો સામે આવશે અને જો કોઈ જવાબદાર જણાશે તો નિયમ મુજબ કાર્યવાહી કરવામાં આવશે.
About the Author
