*ડાંગમાં કાયમી ડિસ્ટ્રિક્ટ કોર્ટની માંગ, બાર એસોસિએશનનો સર્વાનુમતે ઠરાવ*
*રિપોર્ટર: ઝાકિર ઝંકાર ,ડાંગ આહવા*
ડાંગ જિલ્લામાં કાયમી ડિસ્ટ્રિક્ટ કોર્ટ સહિત જરૂરી ન્યાયિક સુવિધાઓ ફાળવવાની માંગ સાથે આહવા-ડાંગ બાર એસોસિએશન દ્વારા તા. ૩૦ સપ્ટેમ્બર, ૨૦૨૬ના રોજ સર્વાનુમતે ઠરાવ પસાર કરવામાં આવ્યો હતો.
બાર એસોસિએશનના જણાવ્યા મુજબ, આહવા ખાતે ડિસ્ટ્રિક્ટ કોર્ટ સંકુલનું ઉદ્ઘાટન વર્ષ ૨૦૨૩માં થયું હોવા છતાં સંપૂર્ણ સમયની કોર્ટ કાર્યરત ન હોવાથી પક્ષકારો અને વકીલોને વિવિધ કામો માટે નવસારી જવું પડે છે. ખાસ કરીને અંતરિયાળ વિસ્તારના આદિવાસી લોકોને મુસાફરીમાં સમય અને ખર્ચનો સામનો કરવો પડે છે.
એસોસિએશને આહવા ખાતે કાયમી ડિસ્ટ્રિક્ટ કોર્ટ, સિનિયર સિવિલ જજ અને ચીફ જ્યુડિશિયલ મેજિસ્ટ્રેટ કોર્ટ સહિતની સુવિધાઓ ફાળવવા માંગ કરી છે. આ અંગે ગુજરાત હાઈકોર્ટના રજિસ્ટ્રાર જનરલ, મુખ્યમંત્રી, કાયદા મંત્રી અને બાર કાઉન્સિલ ઓફ ગુજરાતને ઠરાવની નકલ મોકલવાનો નિર્ણય લેવાયો હતો.
About the Author
