રાજકોટ: લોધિકા તાલુકાના નગરપીપળીયા ખાતે પીએમ કિસાન સન્માન નિધિ અંતર્ગત ભવ્ય કાર્યક્રમ યોજાયો.
આજે વડાપ્રધાન કિસાન સન્માન નિધિ યોજના અંતર્ગત રાજકોટ જિલ્લાના લોધિકા તાલુકાના નગરપીપળીયા ગામે એક વિશેષ કાર્યક્રમનું ભવ્ય આયોજન કરવામાં આવ્યું હતું. આ કાર્યક્રમમાં અતિથિ વિશેષ તરીકે પદાધિકારીઓ અને અગ્રણીઓની વિશેષ ઉપસ્થિતિ રહી હતી, જેમાં મોટી સંખ્યામાં ખેડૂતો અને ગ્રામજનોએ ઉત્સાહભેર હાજરી આપી હતી.
કાર્યક્રમમાં ધારાસભ્ય શ્રીમતી ભાનુબેન બાબરીયા, જિલ્લા પંચાયત સદસ્ય શ્રી દિલીપભાઈ સરવૈયા, તાલુકા પંચાયતના પ્રમુખ શ્રીમતી કાજલબેન સુધીરભાઈ તારપરા, અને ઉપપ્રમુખ શ્રી શૈલેષભાઈ રાઠોડ ખાસ ઉપસ્થિત રહ્યા હતા.
આ ઉપરાંત, લોધિકા તાલુકા ભાજપ પ્રમુખ ડો. પ્રકાશભાઈ વીરડા, તાલુકા મહામંત્રી શ્રી મયુરસિંહ જાડેજા અને શ્રી સુરેશભાઈ વસોયા, પૂર્વ જિલ્લા પંચાયત સદસ્ય શ્રી મોહનભાઈ દાફડા, રાજકોટ ડિસ્ટ્રિક્ટ કોઓપરેટિવ બેંકના ડાયરેક્ટર શ્રી વીરભદ્રસિંહ જાડેજા (બકુલસિંહ) તેમજ નગરપીપળીયા ગામના સરપંચ શ્રીમતી આરાધનાબેન રામાણી પણ ઉપસ્થિત રહી કાર્યક્રમની શોભા વધારી હતી.
ઉપસ્થિત મહાનુભાવોએ વડાપ્રધાન કિસાન સન્માન નિધિ યોજના દ્વારા દેશભરના અને રાજ્યના ખેડૂતોને આર્થિક રીતે સધ્ધર બનાવવા થઈ રહેલા પ્રયાસો વિશે વિસ્તૃત માર્ગદર્શન આપ્યું હતું.
નગરપીપળીયા ગામના સરપંચ તથા ગ્રામજનો દ્વારા તમામ પદાધિકારીઓનું ઉષ્માભેર સ્વાગત કરવામાં આવ્યું હતું. કાર્યક્રમમાં મોટી સંખ્યામાં ખેડૂતો ઉપસ્થિત રહ્યા હતા.
સમગ્ર કાર્યક્રમ સફળ બનાવવા માટે સ્થાનિક આગેવાનો અને પંચાયતના પદાધિકારીઓએ ભારે જહેમત ઉઠાવીહતી.
About the Author
