ਸ੍ਰੀ ਦੁਰਗਾ ਪੂਜਾ ਕਮੇਟੀ ਵਲੋਂ 22ਵਾਂ ਮਾਤਾ ਦਾ ਜਾਗਰਣ ਕਰਵਾਇਆ
ਸ਼੍ਰੋਮਣੀ ਅਤੇ ਵੈਟਰਨ ਪੱਤਰਕਾਰ ਭੂਸ਼ਨ ਸੂਦ ਅਤੇ ਮੰਜੂ ਸੂਦ ਨੇ ਕੀਤੀ ਜੋਤੀ ਪ੍ਰਚੰਡ
ਅਮਲੋਹ(ਅਜੇ ਕੁਮਾਰ)
ਸ੍ਰੀ ਦੁਰਗਾ ਪੂਜਾ ਕਮੇਟੀ ਅਮਲੋਹ ਵਲੋਂ 22ਵਾਂ ਵਿਸ਼ਾਲ ਨਵਰਾਤਰੀ ਉਤਸਵ ਦੌਰਾਨ ਮਾਂ ਭਗਵਤੀ ਦਾ ਜਾਗਰਣ ਕਰਵਾਇਆ ਜਿਸ ਵਿਚ ਸ਼੍ਰੋਮਣੀ ਅਤੇ ਵੈਟਰਨ ਪੱਤਰਕਾਰ ਅਤੇ ਗਊ ਸੇਵਾ ਸੰਮਿਤੀ ਦੇ ਪ੍ਰਧਾਨ ਭੂਸ਼ਨ ਸੂਦ ਅਤੇ ਰਿਟ. ਸੀਡੀਪੀਓ ਮੰਜੂ ਸੂਦ ਨੇ ਜੋਤੀ ਪ੍ਰਚੰਡ ਕੀਤੀ। ਉਨ੍ਹਾਂ ਕਮੇਟੀ ਵਲੋਂ ਹਰ ਸਾਲ ਕੀਤੇ ਜਾਦੇ ਇਸ ਉਪਰਾਲੇ ਦੀ ਸਲਾਘਾ ਕਰਦਿਆ ਕਿਹਾ ਕਿ ਸਾਨੂੰ ਅਜਿਹੇ ਧਾਰਮਿਕ ਕਾਰਜਾਂ ਵਿਚ ਵੱਧ ਚੜ੍ਹ ਕੇ ਹਿਸਾ ਲੈਣਾ ਚਾਹੀਦਾ ਹੈ ਜਿਸ ਨਾਲ ਭਾਈਚਾਰਕ ਸਾਂਝ ਵੀ ਮਜਬੂਤ ਹੁੰਦੀ ਹੈ। ਇਸ ਮੌਕੇ ਵੱਡੀ ਗਿਣਤੀ ਵਿਚ ਇਲਾਕੇ ਦੀਆਂ ਸਖਸੀਅਤਾਂ ਜਿਨ੍ਹਾਂ ਵਿਚ ਔਰਤਾਂ ਵੀ ਸਾਮਲ ਸਨ ਨੇ ਸਿਰਕਤ ਕੀਤੀ। ਪ੍ਰਬੰਧਕਾਂ ਨੇ ਦਸਿਆ ਕਿ ਇਹ ਸਮਾਗਮ 3 ਅਕਤੂਬਰ ਤੱਕ ਜਾਰੀ ਰਹਿਣਗੇ। ਉਨ੍ਹਾਂ ਦਸਿਆ ਕਿ ਇਨ੍ਹਾਂ ਦੀ ਸੁਰੂਆਤ 22 ਸਤੰਬਰ ਨੂੰ ਕਲੱਸ ਸਥਾਪਨਾ ਨਾਲ ਹੋਈ ਸੀ। ਜਿਸ ਦੌਰਾਨ 1 ਅਕਤੂਬਰ ਨੂੰ ਹੱਵਨ ਅਤੇ ਦੁਪਹਿਰ 12 ਵਜੇ ਲੰਗਰ ਵੀ ਲਗਾਇਆ ਗਿਆ ਜਦੋ ਕਿ 2 ਅਕਤੂਬਰ ਨੂੰ ਦੁਸਹਿਰਾ ਉਤਸਵ ਅਤੇ 3 ਅਕਤੂਬਰ ਨੂੰ ਸ਼ਹਿਰ ਵਿਚ ਸ਼ੋਭਾ ਯਾਤਰਾ ਉਪਰੰਤ ਮੁਰਤੀ ਵਿਸਰਜ਼ਨ ਸਮਾਗਮ ਕੀਤਾ ਜਾਵੇਗਾ। ਜਾਗਰਣ ਮੌਕੇ ਕਮਲ ਯਾਦਵ ਲੁਧਿਆਣਾ ਅਤੇ ਸਾਗਰ ਭਾਰਦਵਾਜ਼ ਨੇ ਸਾਰੀ ਰਾਤ ਭੇਟਾਂ ਦਾ ਗੁਣਗਾਣ ਕੀਤਾ। ਇਸ ਮੌਕੇ ਭਾਜਪਾ ਦੇ ਸੀਨੀਅਰ ਆਗੂ ਰਾਜਪਾਲ ਗਰਗ, ਗਊ ਸੇਵਾ ਸਮਿਤੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸੰਜੀਵ ਧੀਰ, ਸੁਰੇਸ਼ ਕੁਮਾਰ ਲੁਟਾਵਾ ਅਤੇ ਸਵਰਨਜੀਤ ਸਿੰਘ ਸੇਠੀ ਆਦਿ ਸ਼ਾਮਲ ਸਨ। ਇਸ ਮੌਕੇ ਪ੍ਰਬੰਧਕਾਂ ਵਲੋਂ ਆਏ ਮਹਿਮਾਨਾਂ ਦਾ ਸਨਮਾਨ ਵੀ ਕੀਤਾ ਗਿਆ।
ਫ਼ੋਟੋ ਕੈਪਸਨ: ਭੂਸ਼ਨ ਸੂਦ, ਮੰਜੂ ਸੂਦ ਅਤੇ ਹੋਰ ਜਾਗਰਣ ਦੀ ਜੋਤੀ ਪ੍ਰਚੰਡ ਕਰਦੇ ਹੋਏ।
ਫ਼ੋਟੋ ਕੈਪਸਨ: ਕਮੇਟੀ ਦੇ ਅਹੁੱਦੇਦਾਰ ਭੂਸ਼ਨ ਸੂਦ, ਮੰਜੂ ਸੂਦ ਅਤੇ ਹੋਰ ਸਖਸ਼ੀਅਤਾਂ ਦਾ ਸਨਮਾਨ ਕਰਦੇ ਹੋਏ।
About the Author
