*આહવા તાલુકામાં મહિલા અને બાળવિકાસ વિભાગ(ICDS) દ્વારા પોષણ ઉડાન કાર્યક્રમની ઉજવણી કરાઇ:*
–
ઝાકિર ઝંકાર : આહવા: તા: ૧૩:
મહિલા અને બાળવિકાસ વિભાગ દ્વારા “પોષણ ઉડાન” અભિયાનનો પ્રારંભ કરવામાં આવ્યો છે. આ અભિયાનનો મુખ્ય હેતુ કુપોષણ ઘટાડવો, આરોગ્યપ્રદ આહાર અંગે જાગૃતિ ફેલાવવી અને સમાજના દરેક વર્ગને પોષણયુક્ત જીવનશૈલી તરફ પ્રેરિત કરવાનો છે. “સ્વસ્થ બાળક – સ્વસ્થ ભારત” એ જ પોષણ ઉડાનનો મુખ્ય સંદેશ છે. રાજ્ય સરકાર તમામ નાગરિકોને આ અભિયાનમાં સક્રિય ભાગ લેવા અનુરોધ કરવામાં આવ્યો છે.
આજરોજ ડાંગ જિલ્લાના આહવા તાલુકામાં તાલુકા કક્ષાનો પોષણ ઉડાનનો કાર્યક્રમ યોજવામાં આવ્યો હતો. જેમાં જિલ્લા પ્રોગ્રામ ઓફિસરશ્રી જ્યોત્સનાબેન એમ પટેલ, જિલ્લા પુર્ણા કનસલટ્ન્ટ સી.ડી.પી.ઓશ્રી સોનલબેન પી ગામીત, તાલુકા સ્ટાફ આંગણવાડી કાર્યકર તથા કિશોરીઓ હાજર રહ્યા હતા.
આ કાર્યક્રમ અંતર્ગત જિલ્લા પ્રોગ્રામ ઓફિસરશ્રી દ્વારા કિશોરીઓને યોગ્ય માર્ગદર્શન આપવામાં આવ્યું હતું. તેઓએ કિશોરીઓને નાની ઉમરે લગ્ન કરવા નહીં અને શાળા માંથી ડ્રોપ થયેલ કિશોરીઓને ફરીથી શાળા પ્રવેશ તેમજ વોકેશનલ ટ્રેનિગ લેવા માટે અનુરોધ કર્યો હતો. સાથે જ તેઓને પુર્ણા કનસલટ્ન્ટ દ્વારા પુર્ણા યોજના વિશે, વિશેષ સમજણ આપવામાં આવી હતી તેમજ બહારના ફ્રુડ પેકેટ કરતા આંગણવાડી કેંદ્રોમાં મળતા ટી.એચ.આરના પેકેટનો ઉપયોગ કરવા માટે જણાવવામાં આવ્યું હતું.
આ કાર્યક્રમનો મુખ્ય હેતુ, આંગણવાડી કેંદ્રોમાં નોધાયેલ તમામ લાભાર્થીઓના આરોગ્ય અને પોષણ સ્તરમાં સુધારો કરવો. સાથે જ આંગણવાડી કેન્દ્રો અને સમુદાયોમાં પોષણ શિક્ષણ પહોચાડવવું અને સ્થાનિક સ્તરે ઉપલબ્ધ ખાધ પદાર્થોનો યોગ્ય ઉપયોગ કરવો તેમજ તેને પ્રોત્સાહિત કરવા માટેનો છે.
–
About the Author
