*ડાંગ જિલ્લામાં મતદારયાદીના ખાસ સઘન સુધારણા કાર્યક્રમ (SIR) અંતર્ગત નાગરીકોને મતદારયાદીને લગતી તમામ પ્રકારની માહિતી તથા મદદ મળી રહે તે માટે કલેકટર કચેરી આહવા, મામલતદાર કચેરી વઘઇ અને સુબીર ખાતે હેલ્પ ડેસ્ક શરૂ કરાયો:*
–
ઝાકિર ઝંકાર:આહવા : તા: ૨૮
ભારતના ચુંટણી આયોગ, નવી દિલ્હી, દ્વારા સમગ્ર રાજ્યમાં મતદારયાદીનો ખાસ સઘન સુધારણા કાર્યક્રમ (Special intensive Revision-SIR) જાહેર કરવામાં આવેલ છે. આ કાર્યક્રમ અંતર્ગત કલેકટર કચેરી આહવા, મામલતદાર કચેરી વઘઇ તથા મામલતદાર કચેરી સુબીર ખાતે હેલ્પ ડેસ્ક શરૂ કરવામાં આવેલ છે.
જે અંતર્ગત કચેરીમાં આવતા તમામ નાગરિકોને SIRની તમામ પ્રકારની માહિતી તથા મદદ મળી રહે તે માટે દરેક હેલ્પડેસ્ક ખાતે વર્ષ-૨૦૦૨ અને વર્ષ-૨૦૨૫ની મતદારયાદીની નકલ, તા.૧૯/૧૨/૨૦૨૫ ના રોજ પ્રસિધ્ધ થયેલ મુસદૃા મતદારયાદીની નકલ સાથે મતદારયાદીની કામગીરીથી માહિતગાર હોય તેવા કર્મચારીઓને નિમણૂંક આપવામાં આવેલ છે. જેમાં મતદારોને મુંઝવતા વિવિધ પ્રશ્નો જેવા કે વર્ષ-૨૦૦૨ની યાદીમાં નામ કઇ રીતે શોધી શકાય? નોટીસ મળેલ મતદારોએ સુનાવણી સમયે કયા કયા પુરાવા રજુ કરવાના થશે? એ તમામ બાબતોની વિસ્તૃત જાણકારી તથા મતદારોને મુંઝવતા અન્ય પ્રશ્નોનું નિરાકરણ મળી રહે તે માટે જિલ્લા ચૂંટણી અધિકારીશ્રી, ડાંગ દ્વારા ડાંગ જિલ્લાના તમામ મતદારોને હેલ્પડેસ્કનો ઉપયોગ કરવા અનુરોધ કરવામાં આવે છે.
–
About the Author
