માતાનામઢ GMDC જનરલ મેનેજર ભાયલ ભાઈનો વિદાય સમારોહ યોજાયો; સ્થાનિક રોજગારી અને વિકાસમાં યોગદાનને બિરદાવાયું!?
આજરોજ માતાનામઢ ખાતે GMDC (ગુજરાત મિનરલ ડેવલપમેન્ટ કોર્પોરેશન)ના જનરલ મેનેજર ભાયલ ભાઈની વિદાય નિમિત્તે એક સમારોહનું આયોજન કરવામાં આવ્યું હતું. આ કાર્યક્રમમાં GMDCના કર્મચારીઓ, સ્થાનિક આગેવાનો અને ગ્રામજનો મોટી સંખ્યામાં ઉપસ્થિત રહ્યા હતા.
ભાયલ ભાઈએ તેમના કાર્યકાળ દરમિયાન માતાનામઢ અને આસપાસના વિસ્તારોમાં પર્યાવરણ સંરક્ષણ, ખેતી અને પશુપાલન ક્ષેત્રે નોંધપાત્ર કામગીરી કરી હતી. તેમની કામગીરીમાં હંમેશા સ્થાનિક પ્રશ્નોને અગ્રતા આપવામાં આવતી હતી. ખાસ કરીને GMDC માતાનામઢના પ્રોજેક્ટ્સ દ્વારા સ્થાનિક યુવાનોને સિક્યુરિટી, ડ્રાઈવિંગ અને ટેકનિકલ ક્ષેત્રે રોજગારી પૂરી પાડવામાં આવી છે, જેનાથી અનેક પરિવારોની આર્થિક સ્થિતિ મજબૂત બની છે.
આ ઉપરાંત, સ્થાનિક ટ્રક માલિકોને પરિવહનનું કામ મળતા ટ્રાન્સપોર્ટ ઉદ્યોગ અને તેને સંલગ્ન નાના વેપાર-ધંધામાં પણ વેગ જોવા મળ્યો છે. સ્થાનિક લોકોએ જનરલ મેનેજરના માનવીય અભિગમ અને વિકાસલક્ષી કાર્યોની સરાહના કરી હતી અને તેમને ભાવભીની વિદાય આપી હતી.
રિપોર્ટ: આદમ નોતિયાર (બ્યુરો ચીફ, લખપત તાલુકા – ઇન્ડિયન ટીવી ન્યુઝ)
About the Author
