*શામગહાન ગામમાં દવાખાનાથી ચૌહાણ ફળિયા સુધીનો રસ્તો બિસ્માર, ગ્રામજનો પરેશાન*
*રિપોર્ટર ; ઝાકિર ઝંકાર , આહવા ડાંગ*
ડાંગ જિલ્લાના શામગહાન ગામમાં દવાખાનાથી ચૌહાણ ફળિયા તરફ જતો રસ્તો બિસ્માર હાલતમાં જોવા મળી રહ્યો છે. રસ્તા પર મોટા પ્રમાણમાં ખાડા અને કાદવનું સામ્રાજ્ય છવાઈ જતા ગ્રામજનો તથા વિદ્યાર્થીઓને રોજિંદી અવરજવરમાં ભારે મુશ્કેલીનો સામનો કરવો પડી રહ્યો છે.
ખાસ કરીને વરસાદી માહોલમાં રસ્તાની સ્થિતિ વધુ ખરાબ બની રહી છે. રસ્તા પર કાદવ અને ખાડાઓના કારણે વાહનચાલકોને ગાડી ચલાવવામાં મુશ્કેલી પડી રહી છે તેમજ લપસી જવાથી અકસ્માત થવાની સંભાવના પણ વધી છે.
આ રસ્તાનો ઉપયોગ વિદ્યાર્થીઓ, ગ્રામજનો તેમજ સ્થાનિક વાહનચાલકો દ્વારા રોજિંદા અવરજવર માટે કરવામાં આવે છે. રસ્તાની ખરાબ સ્થિતિને કારણે લોકોને સમયસર અવરજવર કરવામાં પણ મુશ્કેલી પડી રહી છે.
ગ્રામજનો દ્વારા તંત્ર સમક્ષ માંગ કરવામાં આવી છે કે દવાખાનાથી ચૌહાણ ફળિયા સુધીના આ રસ્તાનું વહેલી તકે નિરીક્ષણ કરી જરૂરી મરામત અને રસ્તાનું કામ કરવામાં આવે, જેથી લોકોને હાલાકીમાંથી રાહત મળી શકે અને અકસ્માતનું જોખમ ઘટાડી શકાય.
About the Author
