*આહવામાં ચૂંટણી પંચ સામે ડાંગ જિલ્લા કોંગ્રેસનું વિરોધ પ્રદર્શન, જ્ઞાનેશ કુમારના રાજીનામાની માંગ*
*આહવા, ડાંગ | રિપોર્ટર: ઝાકિર ઝંકાર*
ડાંગ જિલ્લા કોંગ્રેસ સમિતિ દ્વારા તા. ૨૮ સપ્ટેમ્બર, ૨૦૨૬ના રોજ આહવા જિલ્લા કલેક્ટર કચેરી ખાતે ચૂંટણી પંચની કામગીરી અને મુખ્ય ચૂંટણી કમિશનર જ્ઞાનેશ કુમાર વિરુદ્ધ વિરોધ પ્રદર્શન યોજાયું હતું.
કોંગ્રેસ દ્વારા ચૂંટણી પંચ પર સંસ્થાકીય કબ્જો અને લોકશાહી પ્રક્રિયાને નુકસાન પહોંચાડવાના કથિત પ્રયાસો તેમજ વોટ ચોરીના આક્ષેપોને લઈને વિરોધ વ્યક્ત કરવામાં આવ્યો હતો. વિરોધ દરમિયાન કોંગ્રેસના આગેવાનો અને કાર્યકરોએ બેનરો સાથે સૂત્રોચ્ચાર કરી મુખ્ય ચૂંટણી કમિશનર જ્ઞાનેશ કુમારના રાજીનામાની માંગ કરી હતી.
આ કાર્યક્રમમાં ડાંગ જિલ્લા કોંગ્રેસ પક્ષ ના આગેવાનો અને મોટી સંખ્યામાં કાર્યકરો ઉપસ્થિત રહ્યા હતા. કોંગ્રેસના આગેવાનો દ્વારા લોકશાહી અને ચૂંટણી પ્રક્રિયાની પારદર્શિતા જાળવવાની માંગ સાથે પોતાનો વિરોધ નોંધાવવામાં આવ્યો હતો.
કોંગ્રેસ કાર્યકરોએ ચૂંટણી પંચની કામગીરી અંગે વિવિધ પ્રશ્નો ઉઠાવી સરકાર અને ચૂંટણી તંત્ર સમક્ષ પોતાની રજૂઆત કરી હતી. વિરોધ પ્રદર્શન દરમિયાન કાર્યકરોએ લોકશાહી બચાવવાના નારા સાથે કલેક્ટર કચેરી ખાતે રોષ વ્યક્ત કર્યો હતો.
About the Author
