ਦੋਰਾਹਾ, 16 ਨਵੰਬਰ:( ਅਮਿਤ ਬਾਂਸਲ ) ਛੱਠ ਮਹਾਂਪਰਵ ਦੇ ਪਾਵਨ ਮੌਕੇ ‘ਤੇ ਪੂਰਵਾਂਚਲ ਛੱਠ ਸੇਵਾ ਦਲ ਵੱਲੋਂ ਇੱਕ ਵਿਸ਼ੇਸ਼ ਸਮਾਗਮ ਅਤੇ ਸਨਮਾਨ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਸਮਾਗਮ ਵਿੱਚ ਭਾਰਤੀ ਜਨਤਾ ਪਾਰਟੀ ਦੇ ਸਨਮਾਨਿਤ ਅਹੁਦੇਦਾਰਾਂ ਅਤੇ ਵਰਕਰਾਂ ਨੂੰ ਵਿਸ਼ੇਸ਼ ਤੌਰ ‘ਤੇ ਸੱਦਾ ਦਿੱਤਾ ਗਿਆ ਸੀ।
ਸਮਾਗਮ ਵਿੱਚ ਪੂਰਵਾਂਚਲ ਕਮੇਟੀ ਦੇ ਪ੍ਰਧਾਨ ਅਤੇ ਮੈਂਬਰਾਂ – ਜਤਿੰਦਰ ਪਾਂਡੇ, राहुल सिंग, ਧਰਮਿੰਦਰ ਠੇਕੇਦਾਰ, ਸ਼ੋਟੂ ਠੇਕੇਦਾਰ, ਬਬਲੂ ਸ਼ਰਮਾ, ਮਨੋਜ ਠੇਕੇਦਾਰ, ਕਨ੍ਹਈਆ ਠੇਕੇਦਾਰ, ਹਰਿ ਸ਼ੰਕਰ, ਰਾਮ ਆਗਿਆ ਪ੍ਰਸਾਦ, ਅਸ਼ੋਕ ਸਹਿਨੀ, ਵਿਜੇ ਪਾਂਡੇ, ਅਸ਼ੋਕ ਠੇਕੇਦਾਰ, ਬਿਹਾਰੀ ਸਵੀਟਸ, ਸਾਗਰ ਠੇਕੇਦਾਰ, ਬ੍ਰਿਜੇਸ਼ ਤਿਵਾੜੀ, ਸੰਜੀਤ ਕੁਮਾਰ, ਰਾਮ ਰੇਖਾ, ਸੁਰਿੰਦਰ ਸਹਿਨੀ ਸਮੇਤ ਹੋਰ ਮੈਂਬਰਾਂ ਨੇ ਸਾਰੇ ਮਹਿਮਾਨਾਂ ਦਾ ਆਦਰ-ਸਤਿਕਾਰ ਅਤੇ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ।
ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਪ੍ਰਿੰਸੀਪਲ ਜਤਿੰਦਰ ਸ਼ਰਮਾ, ਸੀਨੀਅਰ ਭਾਜਪਾ ਆਗੂ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਰਹੇ। ਉਨ੍ਹਾਂ ਦੇ ਨਾਲ ਆਈ.ਟੀ. ਸੈੱਲ ਸਟੇਟ ਦੇ ਐਗਜ਼ੀਕਿਊਟਿਵ ਮੈਂਬਰ ਨਰੇਸ਼ ਕੁਮਾਰ ਆਨੰਦ, ਗੁਰਵਿੰਦਰ ਸਿੰਘ ਬੰਟੀ, ਵੀ.ਕੇ. ਸਿੰਘ, ਪੰਕਜ ਲਾਲੀ, ਦੁਸ਼ਯੰਤ ਸ਼ਰਮਾ ਵੀ ਹਾਜ਼ਰ ਰਹੇ।
ਇਸ ਮੌਕੇ ‘ਤੇ ਸਾਰੇ ਪਤਵੰਤੇ ਮਹਿਮਾਨਾਂ ਨੂੰ ਵਿਸ਼ੇਸ਼ ਤੌਰ ‘ਤੇ ਸਨਮਾਨਿਤ ਕੀਤਾ ਗਿਆ। ਸਾਰਿਆਂ ਨੇ ਛੱਠੀ ਮਈਆ ਦੇ ਦਰਸ਼ਨ ਕਰਕੇ ਆਸ਼ੀਰਵਾਦ ਪ੍ਰਾਪਤ ਕੀਤਾ ਅਤੇ ਸਮਾਜ ਵਿੱਚ ਸੁੱਖ, ਸ਼ਾਂਤੀ, ਖੁਸ਼ਹਾਲੀ ਅਤੇ ਤਰੱਕੀ ਦੀ ਕਾਮਨਾ ਕੀਤੀ।
ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਸਮਾਗਮ ਦਾ ਮਕਸਦ ਪੂਰਵਾਂਚਲ ਸਮਾਜ ਦੀ ਆਸਥਾ, ਸੱਭਿਆਚਾਰ ਅਤੇ ਆਪਸੀ ਭਾਈਚਾਰੇ ਨੂੰ ਮਜ਼ਬੂਤ ਕਰਨਾ ਹੈ। ਸਮਾਗਮ ਦੇ ਸਫਲ ਆਯੋਜਨ ਲਈ ਸਾਰੇ ਮਹਿਮਾਨਾਂ ਨੇ ਪੂਰਵਾਂਚਲ ਛੱਠ ਸੇਵਾ ਦਲ ਦਾ ਧੰਨਵਾਦ ਕੀਤਾ।
