धारूर येथे १० वी चा इंग्रजी पेपर फुटल्याने मोठी खळबळ
पत्रकार परमेश्वर चांदने
एसएससी बोर्ड दहावीच्या परीक्षा सध्या सुरू आहेत.1 मार्च शनिवार रोजी इंग्रजीचा पेपर असल्याने शिक्षण विभागाकडून विशेष खबरदारी घेतल्यानंतरही दोन मुलांनी साडेअकरा वाजता इंग्रजीचा पेपर खिडकीतून घेऊन पलायन केले. पेपर फुटल्याची बातमी सर्वत्र चविने चर्चिली जात असतानाच पोलीस निरीक्षक देविदास वाघमोडे यांनी अतिशय शिताफीने अवघ्या अर्ध्या तासात पेपर फोडणाऱ्या दोघांनाही ताब्यात घेऊन पोलिसी खाक्या दाखवत फोडलेला पेपर जमा करून घेतला.
बोर्ड परीक्षा मागील काही वर्षात धारूर शहरात शांततेत आणि व्यवस्थित पार पडत होत्या.परंतु यंदा सध्या सुरू असलेल्या एसएससी बोर्ड दहावीच्या 1 मार्च शनिवार रोजी होत असलेल्या इंग्रजी पेपर काही पोरांनी फोडल्याची घटना धारूर शहरातील जिल्हा परिषद शाळेतील परीक्षा केंद्रावर घडली. सदरील बाबीची माहिती मिळतात पोलीस निरीक्षक देविदास वाघमोडे यांनी अवघ्या अर्ध्या तासात सीताफिने त्या पेपर फोडणाऱ्या पोरांना ताब्यात घेऊन पोलिसी खाक्या दाखवत पेपर उपलब्ध करून घेतला. परंतु बोर्ड परीक्षा त्यातच इंग्रजी चा पेपर अर्धा ते पाऊण तासात फुटला असल्याने विद्यार्थी आणि पालकांमध्ये आता संभ्रम निर्माण झाला आहे. धारूर तालुका शिक्षणाधिकारी मनोज कोल्हे कार्यारंभशी बोलताना म्हणाले पेपर फोडणाऱ्या आरोपीवर योग्य ती कारवाई केली जाईल आणि सदरील पेपर फुटलेल्या प्रकाराची शिक्षण विभागातील वरिष्ठांना माहिती दिली आहे .
