Breaking news 🚨:સુરત સાયબર ક્રાઈમ સેલે બિહારના પટનાની એક હોટલમાંથી દેશના સૌથી ખતરનાક જામતારા ગેંગ સાથે જોડાયેલા 4 સાયબર ગુનેગારોને ઝડપી પાડીને ₹125.39 કરોડથી વધુના દેશવ્યાપી કૌભાંડનો પર્દાફાશ કર્યો છે!

ITN GUJARAT August 12, 2026 1 min read

```html id="cyap7e"

```

Breaking news 🚨:સુરત સાયબર ક્રાઈમ સેલે બિહારના પટનાની એક હોટલમાંથી દેશના સૌથી ખતરનાક જામતારા ગેંગ સાથે જોડાયેલા 4 સાયબર ગુનેગારોને ઝડપી પાડીને ₹125.39 કરોડથી વધુના દેશવ્યાપી કૌભાંડનો પર્દાફાશ કર્યો છે. આ ટોળકી બેંક, RTO અને સરકારી યોજનાઓના નામે નકલી APK ફાઈલો મોકલીને લોકોના મોબાઈલ હેક કરતી હતી.આ સમગ્ર તપાસની શરૂઆત સુરતના એક નાગરિકની ફરિયાદથી થઈ હતી. ઠગોએ ભોગ બનનારને પંજાબ નેશનલ બેંકની ઓફિશિયલ એપ જેવી જ દેખાતી PNB One.APK નામની નકલી ફાઈલ વોટ્સએપ પર મોકલી હતી. આ ફાઈલ ડાઉનલોડ કરતાની સાથે જ તેમનો ફોન હેક થઈ ગયો અને ખાતામાંથી ₹5 લાખ ઉપડી ગયા હતા. સુરત સાયબર સેલે ટેકનિકલ તપાસ કરતા આ છેડો જામતારા અને બિહાર સુધી પહોંચ્યો હતો.એડિશનલ પોલીસ કમિશનર ડૉ. કરણરાજ વાઘેલા અને સાયબર સેલની ટીમે ડિજિટલ ફૂટપ્રિન્ટના આધારે આરોપીઓનો પીછો કર્યો હતો. પોલીસ ટીમે ઝારખંડના જામતારા અને દેવઘરથી કડીઓ મેળવીને રેલવે અને રોડ માર્ગે આશરે 2,456 કિલોમીટરની સફર ખેડી હતી. જ્યારે ગેંગના સભ્યોને ખબર પડી કે તેમનો મુખ્ય એપ ડેવલપર કાનપુરથી પકડાઈ ગયો છે, ત્યારે તેઓ લોકેશન બદલીને બિહાર ભાગી ગયા હતા. સુરત પોલીસે બાતમીના આધારે પટનાની એક હોટલમાં અડધી રાત્રે દરોડો પાડીને ચારેય આરોપીઓને રંગેહાથ ઝડપી લીધા હતા.

Bureau chief : Sumit shukla