*ਰਿਮਟ ਯੂਨੀਵਰਸਿਟੀ ਨੇ ਬੀ-ਫਾਰਮੇਸੀ ਦੇ ਭਵਿੱਖ ਰੁਝਾਨ ਅਤੇ ਤਕਨਾਲੋਜੀ ‘ਤੇ ਕੀਤੀ ਕਾਨਫੰਰਸ*
*ਮੰਡੀ ਗੋਬਿੰਦਗੜ੍ਹ,(ਅਜੇ ਕੁਮਾਰ)*
ਰਿਮਟ ਯੂਨੀਵਰਸਿਟੀ ਦੇ ਫਾਰਮਾਸਿਊਟੀਕਲ ਸਾਇੰਸਜ਼ ਵਿਭਾਗ ਨੇ ‘ਬੀ-ਫਾਰਮੇਸੀ ਦਾ ਭਵਿੱਖ: ਰੁਝਾਨ, ਤਕਨਾਲੋਜੀ, ਅਤੇ ਫਾਰਮੇਸੀ ਵਿੱਚ ਵਿਕਸਤ ਸ਼ਰੋਤਾ’ ਉਪਰ ਕਾਨਫਰੰਸ ਕੀਤੀ। ਇਸ ਵਿੱਚ ਸ੍ਰੀ ਅੰਕੁਸ਼ ਰਮਨ ਸ਼ਰਮਾ, ਐਸੋਸੀਏਟ ਡਾਇਰੈਕਟਰ ਜੁਬੀਲੈਂਟ ਫਾਰਮਾ-ਨੋਵਾ ਲਿਮਟਿਡ, ਰੁੜਕੀ ਅਤੇ ਗਲੋਬਲ ਯੋਜਨਾਬੰਦੀ ਨੇ ਮੁੱਖ ਬੁਲਾਰੇ ਵਜੋਂ ਸਿਰਕਤ ਕੀਤੀ। ਉਨ੍ਹਾਂ ਫਾਰਮੇਸੀ ਗ੍ਰੈਜੂਏਟਾਂ ਦੇ ਭਵਿੱਖ ਦੇ ਦਾਇਰੇ ਬਾਰੇ ਜਾਣਕਾਰੀ ਦਿਤੀ ਅਤੇ ਮਜ਼ਬੂਤ ਨਿਤੀਆਂ ਨੂੰ ਕਾਇਮ ਰੱਖਣ ਵਾਲੀਆਂ ਕੰਪਨੀਆਂ ਨਾਲ ਕੰਮ ਕਰਨ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਰੈਗੂਲੇਟਰੀ ਅਤੇ ਘਰੇਲੂ ਫਾਰਮਾਸਿਊਟੀਕਲ ਖੇਤਰਾਂ ਦੇ ਮੁੱਖ ਪਹਿਲੂਆਂ ’ਤੇ ਰੌਸ਼ਨੀ ਪਾਉਂਦੇ ਹੋਏ ਆਪਣੇ ਉਦਯੋਗ ਦੇ ਤਜ਼ਰਬੇ ਸਾਂਝੇ ਕੀਤੇ। ਉਨ੍ਹਾਂ ਦੀ ਮੁਹਾਰਤ ਨੇ ਵਿਦਿਆਰਥੀਆਂ ਦੀ ਉਦਯੋਗ ਦੇ ਰੁਝਾਨਾਂ ਦੀ ਸਮਝ ਉਪਰ ਰੌਸ਼ਨੀ ਪਾਈ। ਉਨ੍ਹਾਂ ਫਾਰਮੇਸੀ ਵਿੱਚ ਭਵਿੱਖ ਦੇ ਕਰੀਅਰ ਦੀਆਂ ਸੰਭਾਵਨਾਵਾਂ ਉਪਰ ਚਰਚਾ ਕੀਤੀ। ਇਹ ਸੈਸ਼ਨ ਬਹੁਤ ਹੀ ਇੰਟਰਐਕਟਿਵ ਸੀ ਜਿਸ ਨੇ ਵਿਦਿਆਰਥੀਆਂ ਨੂੰ ਵਿਚਾਰ-ਵਟਾਂਦਰੇ ਅਤੇ ਵਿਹਾਰਕ ਪ੍ਰਦਰਸ਼ਨਾਂ ਰਾਹੀਂ ਪ੍ਰਭਾਵਿਤ ਕੀਤਾ। ਇਸ ਸੈਸ਼ਨ ਨੇ ਫਾਰਮੇਸੀ ਦੇ 6ਵੇਂ ਅਤੇ 8ਵੇਂ ਸਮੈਸਟਰ ਦੇ ਵਿਦਿਆਰਥੀਆਂ ਨੂੰ ਫਾਰਮੇਸੀ ਦੇ ਵਿਕਸਤ ਹੋ ਰਹੇ ਨਵੇਂ ਰੁਝਾਨਾਂ ਬਾਰੇ ਉਤਸ਼ਾਹਿਤ ਕੀਤਾ। ਇਹ ਪ੍ਰੋਗਰਾਮ ਸਕੂਲ ਆਫ਼ ਫਾਰਮਾਸਿਊਟੀਕਲ ਸਾਇੰਸਿਜ਼ ਦੇ ਡੀਨ ਦੁਆਰਾ ਸਵਾਗਤੀ ਭਾਸ਼ਣ ਨਾਲ ਸ਼ੁਰੂ ਹੋਇਆ ਅਤੇ ਇਸ ਵਿੱਚ ਫੈਕਲਟੀ ਅਤੇ ਵਿਦਿਆਰਥੀਆਂ ਨੇ ਸ਼ਿਰਕਤ ਕੀਤੀ। ਸ੍ਰੀ ਅੰਕੁਸ਼ ਰਮਨ ਸ਼ਰਮਾ ਨੇ ਧੰਨਵਾਦ ਕੀਤਾ।
*ਫੋਟੋ ਕੈਪਸ਼ਨ: ਯੂਨੀਵਰਸਿਟੀ ਅਧਿਕਾਰੀ ਮਹਿਮਾਨ ਦਾ ਸਨਮਾਨ ਕਰਦੇ ਹੋਏ।*
