*ડાંગ જિલ્લા પંચાયત પ્રમુખ શ્રીમતી નિર્મળાબેન ગાઇનના અધ્યક્ષ સ્થાને મુખ્યમંત્રી ગ્રામોત્થાન યોજના અંતર્ગત વિકાસકીય કામોના આયોજન અંગેની બેઠક યોજાઈ :*
–
ઝાકિર ઝંકાર : આહવા: તા: ૧૫:
આજરોજ ડાંગ જિલ્લા પંચાયત કચેરીના સંભાખંડમાં જિલ્લા પંચાયત પ્રમુખ શ્રીમતી નિર્મળાબેન ગાઈનના અધ્યક્ષ સ્થાને જિલ્લામાં અમલીકરણ થનાર મુખ્યમંત્રી ગ્રામોત્થાન યોજના અંતર્ગત વિવિધ વિકાસકીય કામોના આયોજન અંગેની બેઠક યોજાઈ હતી.
ગુજરાત રાજ્યમાં સતત થઇ રહેલ શહેરીકરણની સાથે ગ્રામ્ય વિસ્તારોમાં પણ શહેરોની સમકક્ષ આંતર માળખાકીય સુવિધાઓ ઉપલબ્ધ કરાવવા/આયોજનબધ્ધ શહેરીકરણને ઉત્તેજન આપવા માટે તાલુકા મુખ્ય મથક હોય અને નગરપાલિકામાં ભળી ન હોય તેવી ગ્રામ પંચાયતોના સર્વાંગી વિકાસ કરી શહેરની સમકક્ષ સુવિધાઓ ઉપલબ્ધ કરાવવા રાજ્ય સરકારશ્રી દ્વારા આ યોજના શરૂ કરવામાં આવેલ છે.
જિલ્લા પંચાયત પ્રમુખ શ્રીમતી નિર્મળાબેન ગાઇનના અધ્યક્ષ સ્થાને યોજાયેલ આ બેઠકમાં જિલ્લાના મુખ્ય મથક આહવા તેમજ વઘઇ અને સુબીર ખાતે માળખાગત સુવિધાઓને લગતા કામો કરવા અંગેની બેઠકમાં ચર્ચા કરવામાં આવી હતી. જેમાં ગુજરાત વિધાનસભા નાયબ મુખ્ય દંડક શ્રી વિજયભાઇ પટેલે વિશેષ ઉપસ્થિત રહી ચર્ચામાં ભાગ લીધો હતો.
આ બેઠકમાં પાણીના પૂરતા પુરવઠાની ઉપલબ્ધતા, ઘન/પ્રવાહી કચરા વ્યવસ્થાપન સહિત સ્વચ્છતાની ઉબલબધ્ધતા, સોલાર સ્ટ્રીટ લાઇટ, મોડેલ રોડ, કોમ્યુનિટી હોલ, આરોગ્ય સંભાળ, રમત-ગમતના મેદાન વિગેરે મુદ્દે ચર્ચા વિચારણા કરવામાં આવી હતી.
ઉલ્લેખનીય છે કે, જિલ્લામાં મુખ્યમંત્રી ગ્રામોત્થાન યોજના અંતર્ગત લેવાં પાત્ર થતાં કામોની યાદી તૈયાર કરવામાં આવી હતી જેમાં ખુબ જ અગત્યના કામો રોડ રસ્તા, સ્ટ્રીટ લાઈટ, કોમ્યુનિટી હોલ, આધુનિક સુવિધાવાળું ઈ ગ્રામ કેન્દ્ર, ગ્રામ હટ, અગત્યના કામોમાં બાગ બગીચા, બસસ્ટેન્ડ, તળાવ અને જરૂરિયાત મુજબના કામોમાં ઈ-લાઈબ્રેરી, રિવરફ્રન્ટ, ટ્રાન્સફરી હોસ્ટેલ વિગેરે કામો.
બેઠકમાં આહવા તાલુકા પંચાયત પ્રમુખ શ્રી સુરેશભાઈ ચૌધરી, વઘઈ તાલુકા પંચાયત પ્રમુખ શ્રી ચંદરભાઈ ગાવિત, સહિત જિલ્લા તાલુકા સદસ્યશ્રીઓ, સરપંચશ્રીઓ તેમજ જિલ્લા વિકાસ અધિકારી શ્રી કે. સે. વસાવા તેમજ ત્રણેય તાલુકા વિકાસ અધિકારીશ્રીઓ ઉપસ્થિત રહ્યાં હતાં. બેઠકની કાર્યવાહી નાયબ જિલ્લા વિકાસ અધિકારી શ્રી હિરલ પટેલે સંભાળી હતી.
–
About the Author
