*ડાંગ જિલ્લામાં SGFI જિલ્લા/તાલુકા કક્ષાની શાળાકીય સ્પર્ધાઓનું આયોજન :*
–
*રિપોર્ટર ; ઝાકિર ઝંકાર : આહવા ડાંગ*
ગુજરાત સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ તેમજ સ્પોર્ટ્સ ઓથોરિટી ઓફ ગુજરાત, ગાંધીનગર દ્વારા આયોજિત અને જિલ્લા રમતગમત અધિકારીની કચેરી, ડાંગ દ્વારા સંચાલિત SGFI (સ્કૂલ ગેમ્સ ફેડરેશન ઓફ ઇન્ડિયા) જિલ્લા/તાલુકા કક્ષાની શાળાકીય અંડર-૧૪, ૧૭ અને ૧૯ સ્પર્ધાઓનું તારીખ ૧૪ જૂલાઇ થી આયોજન કરવામાં આવ્યું છે.
આ સ્પર્ધાઓ અંતર્ગત અંડર-૧૧માં ધોરણ ૩ થી ૫ સુધીના વિદ્યાર્થીઓ, જ્યારે અંડર-૧૪ (શાળાકીય બાળ રમતો), અંડર-૧૭ અને અંડર-૧૯ની શાળાકીય રમતોમાં ધોરણ ૬ થી ૧૨ સુધીના વિદ્યાર્થીઓ ભાગ લઈ શકશે. તાલુકા કક્ષાએ એથ્લેટિક્સ, કબડ્ડી, ખો-ખો અને વોલીબોલ જેવી સ્પર્ધાઓ યોજાશે. જ્યારે જિલ્લા કક્ષાએ ચેસ, લોન ટેનિસ, સ્કેટિંગ, ફૂટબોલ, કુસ્તી, સોફ્ટબોલ, ક્રિકેટ, હોકી, ટેબલ ટેનિસ, જુડો, કરાટે, આર્ચરી, યોગાસન, શૂટિંગ, હેન્ડબોલ અને બાસ્કેટબોલ સહિત કુલ ૪૦ જેટલી વિવિધ રમતોનું આયોજન કરવામાં આવ્યું છે.
સ્પર્ધાના નિયમો અનુસાર, ભાગ લેનાર તમામ ખેલાડીઓએ પોતાના પ્રવેશપત્રમાં વિદ્યાર્થીનો ૧૮ અંકનો આધાર ડાયસ નંબર ફરજિયાતપણે દર્શાવવાનો રહેશે. આ ઉપરાંત, કોઈ પણ ખેલાડી માત્ર એક જ વયજૂથની સ્પર્ધામાં ભાગ લઈ શકશે.
સમયપત્રક અનુસાર, તાલુકા કક્ષાની સ્પર્ધાઓ આગામી તારીખ ૧૪ જુલાઈ થી જિલ્લા/તાલુકા કક્ષાની સ્પર્ધાઓ શરૂ થશે. ચોમાસાની ઋતુ હોઈ, વરસાદની પરિસ્થિતિને ધ્યાને રાખીને આ તારીખોમાં ફેરફાર થઈ શકે છે, જેની તમામ સંબંધિતોએ નોંધ લેવા જિલ્લા રમતગમત અધિકારી, ડાંગની એક અખબારી યાદીમાં જણાવાયું છે.
–
About the Author
