*આહવા ICDS ખાતે ‘પોષણ ઉત્સવ’ અંતર્ગત પૌષ્ટિક વાનગી સ્પર્ધા યોજાઈ: THR માં સેજલબેન ચૌધરી અને મિલેટ્સમાં જમનાબેન પ્રથમ ક્રમે*
*રિપોર્ટર ; ઝાકિર ઝંકાર , ડાંગ સુબીર*
આહવા ડાંગ જિલ્લાના મુખ્ય મથક આહવા ખાતે આવેલ ICDS કચેરી દ્વારા ‘પોષણ ઉત્સવ’ અંતર્ગત પૌષ્ટિક વાનગી સ્પર્ધાનું ભવ્ય આયોજન કરવામાં આવ્યું હતું. આ કાર્યક્રમમાં આંગણવાડી બહેનોએ વિવિધ પ્રકારની પોષણક્ષમ અને સંતુલિત વાનગીઓ તૈયાર કરીને તેમનું પ્રદર્શન કર્યું હતું સ્પર્ધામાં આંગણવાડી બહેનો દ્વારા ઉત્કૃષ્ટ વાનગીઓ રજૂ કરવામાં આવી હતી, જેમાં THR (ટેક હોમ રાશન) વિભાગમાંથી *સેજલબેન સુરેશભાઈ ચૌધરીએ* પ્રથમ સ્થાન પ્રાપ્ત કર્યું હતું. જ્યારે મિલેટ્સ (જાડા ધાન્ય) આધારિત વાનગી વિભાગમાં જમનાબેને પ્રથમ સ્થાન મેળવી બાજી મારી હતી. મહાનુભાવોની વિશેષ ઉપસ્થિતિ આ પ્રસંગે તાલુકા પંચાયત પ્રમુખ વીણાબેન ગાંગુર્ડે, સામાજિક ન્યાય સમિતિના અધ્યક્ષ જિગ્નેશભાઈ સોલંકી, જિલ્લા પંચાયત સદસ્ય સ્નેહલભાઈ ઠાકરે તથા તાલુકા પંચાયત સદસ્ય રાકેશ પવાર સહિતના સ્થાનિક આગેવાનો અને અધિકારીઓ ઉપસ્થિત રહ્યા હતા. ઉપસ્થિત મહાનુભાવોએ આંગણવાડી બહેનો દ્વારા તૈયાર કરાયેલી વાનગીઓનું ઝીણવટપૂર્વક નિરીક્ષણ કરી બહેનોના ઉત્સાહ અને સર્જનાત્મકતાને બિરદાવ્યા હતા.
પોષણ અને સ્વસ્થ સમાજ અંગે જાગૃતિ કાર્યક્રમ દરમિયાન સંતુલિત આહાર, માતા-બાળ પોષણ અને સ્વસ્થ સમાજના નિર્માણ અંગે ઉપસ્થિતોને માર્ગદર્શન આપવામાં આવ્યું હતું. બાળકોના સર્વાંગી વિકાસ માટે પોષણયુક્ત આહારની મહત્વતા સમજાવતા આગેવાનોએ જણાવ્યું હતું કે, “પોષણયુક્ત આહાર એ જ સ્વસ્થ સમાજનો સાચો પાયો છે. આ સમગ્ર આયોજન દ્વારા “સુપોષિત બાળક – સ્વસ્થ પરિવાર – સશક્ત સમાજ”નો સાર્થક અને અગત્યનો સંદેશ સમાજ સુધી પહોંચાડવાનો પ્રયાસ કરવામાં આવ્યો હતો.
About the Author
