*ਵਿਜੀਲੈਂਸ ਬਿਊਰੋ ਪੰਜਾਬ*
*ਪ੍ਰੈਸ ਨੋਟ*
*ਦਫਤਰ ਬਾਲ ਵਿਕਾਸ ਪ੍ਰੋਜੈਕਟ ਅਫਸਰ,ਤਲਵੰਡੀ ਸਾਬੋ, ਜਿਲ੍ਹਾਂ ਬਠਿੰਡਾ ਦੀ ਸੁਪਰਵਾਈਜਰ ਹਰਮੇਲ ਕੌਰ ਆਗਨਵਾੜੀ ਹੈਲਪਰ ਭਰਤੀ ਕਰਵਾਉਣ ਬਦਲੇ 18000/—ਰੁਪਏ ਰਿਸ਼ਵਤ ਹਾਸਲ ਕਰਦੀ ਵਿਜੀਲੈਂਸ ਬਿਊਰੋ ਵੱਲੋਂ ਰੰਗੇ ਹੱਥੀ ਗ੍ਰਿਫਤਾ।*
ਬਠਿੰਡਾ 12 ਸਤੰਬਰ : ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਮਾਨ ਦੀ ਸਰਕਾਰ ਵੱਲੋਂ ਭ੍ਰਿਸ਼ਟਾਚਾਰ ਵਿਰੁੱਧ ਅਪਣਾਈ ਜੀਰੋ ਟਾਲਰੈਂਸ ਦੀ ਨੀਤੀ ਤਹਿਤ ਮਾਨਯੋਗ ਚੀਫ ਡਾਇਰੈਕਟਰ ਵਿਜੀਲੈਂਸ ਬਿਉਰੋ ਪੰਜਾਬ ਵਿਜੀਲੈਂਸ ਬਿਊਰੋ ਵੱਲੋ ਰਿਸ਼ਵਤਖੋਰੀ ਵਿਰੁੱਧ ਜਾਰੀ ਮੁਹਿੰਮ ਦੋਰਾਨ ਵਿਜੀਲੈਂਸ ਬਿਉਰੋ ਰੇਂਜ਼ ਬਠਿੰਡਾ ਵੱਲੋ ਹਰਮੇਲ ਕੌਰ, ਸੁਪਰਵਾਈਜਰ ਦਫਤਰ ਬਾਲ ਵਿਕਾਸ ਪ੍ਰੋਜ਼ੇਕਟ ਅਫਸਰ, ਤਲਵੰਡੀ ਸਾਬੋ, ਜਿਲਾ੍ਹ ਬਠਿੰਡਾ ਨੂੰ 18000/ਰੁਪਏ ਰਿਸ਼ਵਤ ਲੈਦਿਆ ਰੰਗੇ ਹੱਥੀ ਗ੍ਰਿਫਤਾਰ ਕੀਤਾ ਗਿਆ।
ਅੱਜ ਇੱਥੇ ਜਾਣਕਾਰੀ ਦਿੰਦੇ ਹੋਏ ਵਿਜੀਲੈਂਸ ਬਿਊਰੋ ਦੇ ਬੁਲਾਰੇ ਨੇ ਦੱਸਿਆ ਕਿ ਉਪਰੋਕਤ ਮੁਲਜ਼ਮਾ ਨੂੰ ਸ੍ਰੀਮਤੀ ਰੇਸ਼ਮਾ ਪਤਨੀ ਸ੍ਰੀ ਲਛਮਣ ਸਿੰਘ ਵਾਸੀ ਪਿੰਡ ਭਾਗੀਵਾਂਦਰ, ਤਹਿਸੀਲ ਤਲਵੰਡੀ ਸਾਬੋ, ਜਿਲ੍ਹਾ ਬਠਿੰਡਾ ਵੱਲੋ ਕੀਤੀ ਗਈ ਸਿਕਾਇਤ ਦੇ ਆਧਾਰ ਤੇ ਗ੍ਰਿਫਤਾਰ ਕੀਤਾ ਗਿਆ।
ਉਨ੍ਹਾਂ ਦੱਸਿਆ ਕਿ ਸ਼ਿਕਾਇਤਕਰਤਾ ਰੇਸ਼ਮਾ ਨੇ ਵਿਜੀਲੈਂਸ ਕੋਲ ਪਹੁੰਚ ਕਰਕੇ ਦੋਸ਼ ਲਾਇਆ ਕਿ ਉਸਦੀ ਭਤੀਜ ਨੂੰਹ ਸ੍ਰੀਮਤੀ ਸੰਤੋਸ ਰਾਣੀ ਪਤਨੀ ਸ੍ਰੀ ਜ਼ਸਰਾਮ ਵਾਸੀ ਪਿੰਡ ਤਿਉਣਾ ਪੁਜਾਰੀਆ ਨੇ ਫਰਵਰੀ 2023 ਵਿੱਚ ਆਗਨਵਾੜੀ ਹੈਲਪਰ ਦੀ ਪੋਸਟ ਲਈ ਆਨ ਲਾਇਨ ਅਪਲਾਈ ਕੀਤਾ ਸੀ। ਜਿਸ ਸਬੰਧੀ ਸੁਪਰਵਾਈਜਰ ਹਰਮੇਲ ਕੌਰ, ਦਫਤਰ ਬਾਲ ਵਿਕਾਸ ਪ੍ਰੋਜ਼ੈਕਟ ਅਫਸਰ, ਤਲਵੰਡੀ ਸਾਬੋ, ਜਿਲ੍ਹਾਂ ਬਠਿੰਡਾ ਨੇ ਮੁਦਈ ਪਾਸੋਂ ਉੋਸਦੀ ਭਤੀਜ ਨੂੰਹ ਨੂੰ ਆਗਨਬਾੜੀ ਹੈਲਪਰ ਭਰਤੀ ਕਰਵਾਉਣ ਬਦਲੇ 80,000/—ਰੂਪੈ ਰਿਸ਼ਵਤ ਦੀ ਮੰਗ ਕੀਤੀ ਅਤੇ 60,000/—ਰੂਪੈ ਵਿੱਚ ਗੱਲਬਾਤ ਤਹਿ ਹੋ ਗਈ ਜਿਸ ਵਿੱਚੋਂ ਹਰਮੇਲ ਕੋਰ ਸੁਪਰਵਾਈਜਰ ਨੇ ਮਦੱਈ ਰੇਸ਼ਮਾ ਪਾਸੋਂ 35,000/—ਰੁਪੈ ਬਤੋਰ ਰਿਸ਼ਵਤ ਪਹਿਲਾ ਹਾਸਲ ਕਰ ਲਏ ਸਨ ਅਤੇ ਬਾਕੀ ਰਹਿੰਦੀ ਰਿਸ਼ਵਤੀ ਰਕਮ ਦੀ ਵਾਰ ਵਾਰ ਮੰਗ ਕਰ ਰਹੀ ਹੈ।
ਬੁਲਾਰੇ ਨੇ ਦੱਸਿਆ ਕਿ ਉੱਕਤ ਸ਼ਿਕਾਇਤ ਦੀ ਮੁੱਢਲੀ ਪੜਤਾਲ ਕਰਨ ਉਪਰੰਤ ਪਾਇਆ ਗਿਆ ਕਿ ਸੁਪਰਵਾਈਜਰ ਹਰਮੇਲ ਕੌਰ, ਦਫਤਰ ਬਾਲ ਵਿਕਾਸ ਪ੍ਰੋਜ਼ੇਕਟ ਅਫਸਰ, ਤਲਵੰਡੀ ਸਾਬੋ, ਜਿਲ੍ਹਾਂ ਬਠਿੰਡਾ ਮੁਦੱਈ ਪਾਸੋਂ 35000/—ਰੁਪੈ ਪਹਿਲਾ ਹਾਸਲ ਕਰ ਚੁੱਕੀ ਹੈ ਅਤੇ ਇਸਤੋਂ ਬਾਅਦ ਵਿੱਚ ਵਿਜੀਲੈਂਸ ਬਿਊਰੋ ਰੇਂਜ਼ ਬਠਿੰਡਾ ਨੇ ਜਾਲ ਵਿਛਾਇਆ ਤੇ ਸੁਪਰਵਾਈਜਰ ਹਰਮੇਲ ਕੌਰ ਨੂੰ ਸ਼ਿਕਾਇਤਕਰਤਾ ਕੋਲੋ 18,000/ਰੁਪੈ ਦੀ ਰਿਸ਼ਵਤ ਹਾਸਲ ਕਰਦਿਆ ਦੋ ਸਰਕਾਰੀ ਗਵਾਹਾਂ ਦੀ ਹਾਜਰੀ ਵਿੱਚ ਮੌਕੇ ਤੇ ਰੰਗੇ ਹੱਥੀ ਗ੍ਰਿਫਤਾਰ ਕੀਤਾ ਗਿਆ। ਜਿਸਦੇ ਸਬੰਧ ਵਿੱਚ ਉੱਕਤ ਮੁਲਜਮ ਦੇ ਖਿਲਾਫ ਥਾਣਾ ਵਿਜੀਲੈਂਸ ਬਿਊਰੋ ਰੇਂਜ ਬਠਿੰਡਾ ਵਿਖੇ ਭ੍ਰਿਸ਼ਟਾਚਾਰ ਰੋਕੂ ਕਾਨੂੰਨ ਤਹਿਤ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ ਅਤੇ ਜੇਕਰ ਇਸ ਮੁੱਕਦਮੇ ਵਿੱਚ ਕਿਸੇ ਅਧਿਕਾਰੀ/ਕਰਮਚਾਰੀ ਦਾ ਰੋਲ ਸਾਹਮਣੇ ਆਇਆ ਤਾਂ ਇਸਨੂੰ ਦੋਰਾਨੇ ਤਫਤੀਸ਼ ਵਿਚਾਰਿਆ ਜਾਵੇਗਾ।
