साखरपुड्यात देखील महायुतीचा प्रचार; रघुनाथ कोळी यांनी घेतला मंगेशदादांसाठी प्रचारात सक्रीय सहभाग

साखरपुड्यात देखील महायुतीचा प्रचार; रघुनाथ कोळी यांनी घेतला मंगेशदादांसाठी प्रचारात सक्रीय सहभाग

आमदार मंगेशदादा चव्हाण यांच्या विजयासाठी कोळी समाजाची एकजूट; ५० वर्षात कोणी घेतली नव्हती दखल

चाळीसगाव प्रतिनिधी: चाळीसगाव विधानसभा मतदारसंघातील राजकीय वातावरण ढवळून निघाले असून मिळेल त्या मार्गाने नेते आपला प्रचार करतांना दिसत आहेत. अशातच नुकते शिवसेनेचे भिष्म पितामह म्हणून ओळखल्या जाणाऱ्या स्व.तुकाराम मामा कोळी यांचे चिरंजीव रघुनाथ कोळी यांनी आमदार मंगेशदादा चव्हाण यांच्या नेतृत्वावर विश्वास ठेवून भारतीय जनता पक्षात प्रवेश केला आहे. आणि तात्काळ रघुनाथ कोळी यांनी प्रचारात सक्रीय सहभागी होऊन मतदार संघातील आपले सहकारी आणि समाजबांधव यांना विश्वासात घेऊन आमदार मंगेशदादा चव्हाण यांना मोठ्या फरकाने निवडून आणण्यासाठी प्रयत्न सुरू केले आहेत.

आणि साखरपुड्यात देखील प्रचाराला केली सुरुवात..

दि.४ नोव्हेंबर रोजी बहाळ परिसरात रघुनाथ कोळी हे आपल्या सहकाऱ्यांसोबत महायुतीचे उमेदवार आ.मंगेश चव्हाण यांच्या प्रचारार्थ भेटीगाठी घेत असताना जवळच असलेल्या भवाळी येथे कोळी समाजातील तरुणाच्या साखरपुडा कार्यक्रमाला हजेरी लावली. आणि भवाळी येथील मोरे परिवार व घोडेगाव येथील सोनवणे परिवार यांच्या संमतीने महायुतीचे उमेदवार आमदार मंगेशदादा चव्हाण यांच्या प्रचारार्थ मनोगत व्यक्त केले. यावेळी उपस्थित शेकडो कोळी बांधवांनी उत्स्फूर्त प्रतिसाद दिला व सर्व समाज एकजुटीने रघुनाथ तुकाराम कोळी यांच्या सोबत महायुतीचे उमेदवार आणि विद्यमान आमदार मंगेशदादा चव्हाण यांना प्रचंड मतांनी निवडून आणण्याची घोषणा केली.

५० वर्षांत कोणी दखल घेतली नाही पण मंगेश चव्हाण यांनी दखल घेतली

गेल्या ५० वर्षात कधीच कोणी आपल्या समाजाच्या प्रश्नांची दखल घेतली नाही पण आमदार मंगेशदादा चव्हाण यांनी समाजाच्या समस्या आणि अपेक्षा व्यवस्थित समजून घेतल्या आहेत आणि कोळी समाजासाठी मंगल कार्यालय उभारण्यासाठी जागेची व्यवस्था करुन दिली आहे. तसेच येणाऱ्या काळात देखील समाजासाठी शक्य होईल ते सर्व प्रयत्न करणार असल्याचे आ.मंगेशदादा चव्हाण यांनी शब्द दिला असून आपण सर्व समाजबांधव त्यांना साथ देऊन विजयी करुया असे आवाहन देखील यावेळी रघुनाथ कोळी यांनी केले.
यानंतर बहाळ, जामदा मेहुणबारे येथील समाजबांधवांच्या देखील भेटीगाठी घेऊन महायुतीचे अधिकृत उमेदवार आमदार मंगेशदादा चव्हाण यांच्या विकासात्मक नेतृवावर मतदानरुपी वर्षाव करुन प्रचंड मतांनी निवडून आणण्यासाठी प्रयत्न करण्यासाठी रघुनाथ कोळी यांनी आपल्या कोळी समाजबांधवांना आवाहन केले आहे.