*ડાંગ જિલ્લાના ધવલીદોડ સખી મંડળના શ્રીમતી મંગીબેને પ્રાકૃતિક ખેતી કરી. નાગલી ધાન્ય માંથી વિવિધ ખાધ્ય વસ્તુઓ બનાવી :*
–
*NRLM યોજનાનો લાભ લઇ સખી મંડળની બહેનો આર્થિક રીતના પગભર બની :*
–
ઝાકિર ઝંકાર : આહવા: તા: ૨૩
જરૂરી મૂડી- પ્રાથમિક સુવિધાઓ જેવી જરૂરીયાતોના અભાવ અને મર્યાદિત ક્ષેત્ર હોવાં છતા માત્ર પોતાની દ્રઢ ઈચ્છાશક્તિથી ડાંગની મહિલાઓ અનેકવિધ નવતર પ્રયોગો કરીને જે અમર્યાદિત પ્રગતિનાં માર્ગે આગળ વધી રહી છે તે નિ:સંદેહ ડાંગમા માત્ર સ્ત્રીશક્તિકરણ જ નહીં પરંતું સમાજના સર્વાંગી ઉત્થાનનાં થઈ રહેલાં જયધોષ સમાન છે. તાજેતરમાં ડાંગની NRLM યોજના જય યોગેશ્વર સખી મંડળની બહેનોએ તેઓની કાર્યક્ષમતા અને કલાકૌશલ્યથી આ વાત સિધ્ધ કરી બતાવી છે.
જિલ્લા ગ્રામ વિકાસ એજન્સી અંતર્ગત મિશન મંગલ (NRLM) યોજના દ્વારા કલસ્ટર કો-ઓર્ડિનેટરોએ આપેલ માહિતી મુજબ મહિલાઓને સૌ પ્રથમ જુથમાં જોડાવાના ફાયદાની સમજણ આપી હતી. ત્યારબાદ વ્યક્તિગત જુથ કેટલી બચત કરવી તે વિશેની સમજણ આપી હતી.
ડાંગ આદિવાસી વસ્તી ધરાવતો જિલ્લો છે અને નવિનતમ ટેકનોલોજી તથા મોટાં ઉદ્યોગો હજી આ વિસ્તાર સુધી પહોંચ્યા નથી. આ વિસ્તાર પાસે કુદરતે પોતાની સૌંદર્યતા અને નૈસર્ગિકતાનો ભંડાર ખૂલ્લો મુક્યો છે એ જ આ પ્રદેશની સાચી મૂડી છે. વાંસ, વનસ્પતિઓ, વનિલ ધાન્યો, વન પેદાશો- ઉપપેદાશો વિગેરે માંથી આ વિસ્તારનાં લોકો આર્થિક પ્રવૃત્તિ કરે છે. નાગલી પણ આવું જ એક વનિલ ધાન્ય છે. જે ડાંગ જિલ્લાનો મુખ્ય ખોરાક ગણવામાં આવે છે. સ્વાદિષ્ટ્ અને ગુણવર્ધક પૌષ્ટીક ધાન્ય માંથી અનેક પ્રકારની ખાદ્ય વસ્તુઓ બનાવીને વેચવાનું કાર્ય સખીમંડળના કેટલાંક જૂથો કરે છે.
સરકારશ્રી દ્વારા ડાંગ-જિલ્લાને પ્રાકૃતિક જિલ્લો તરીકે જાહેર કરવામાં આવ્યો છે. જય યોગેશ્વર સખી મંડળના બહેનો નાગલીની ખેતી રાસાયણિક ખાતર વગર કરી. છાણીયુ ખાતરનો ઉપયોગ કરી,નાગલીનું સારો પાક મેળવે છે.
ધવલીદોડ ગામની આ મહિલાઓને જિલ્લા ગ્રામ વિકાસ એજન્સી અંતર્ગત મિશન મંગલમ યોજના દ્વારા રૂ.૩૦૦૦૦/-રીવોલીંગ ફંડ તેમજ રૂ.૧૫૦૦૦૦૦/- કમ્યુનીટી ઇનવેસ્ટમેન્ટ ફંડ આપવામાં આવ્યું હતું સાથે જ બેંક માંથી કેશ ક્રેડીટ લોન રૂ.૧૫૦૦૦૦/- આપવામાં આવેલ હતી.
ગ્રામ્ય વિસ્તારની આ મહિલાઓ આર્થિક રીતના પગભર બને તે માટે ડાંગ જિલ્લા ગ્રામ વિકાસ એજન્સી દ્વારા મહિલાઓને આર્થિક સહયોગ કરવામાં આવ્યો. સાથે જ RSETI કાર્યક્રમ અંતર્ગત વિનામૂલ્યે તાલીમ આપવામાં આવી જેનાંથી આ મહિલાઓ સ્થાનિક કક્ષાએ પ્રાકૃતિક ખેતીની પેદાશો માંથી ખાધ્ય વસ્તુઓનું વેચાણ કરી આર્થિક રીતના પગભર બની છે.
–
About the Author
