*ડાંગનું ગૌરવ : બીલીઆંબા પ્રાથમિક શાળાના આચાર્ય વિમલકુમાર ગામીત “સાંદિપની ગુરુ ગૌરવ એવોર્ડ-2026″થી સન્માનિત*
*રિપોર્ટર : ઝાકિર ઝંકાર, આહવા (ડાંગ)*
આહવા, તા. ૧ : પોરબંદર સ્થિત સાંદિપની વિદ્યાનિકેતન ગુરુકુળ ખાતે યોજાયેલા “ગુરુ ગૌરવ એવોર્ડ-2026” સમારોહમાં ડાંગ જિલ્લાના પી.એમ.શ્રી બીલીઆંબા પ્રાથમિક શાળાના આચાર્ય શ્રી વિમલકુમાર દાઉદભાઈ ગામીતને તેમની ઉત્કૃષ્ટ શૈક્ષણિક સેવાઓ બદલ “સાંદિપની ગુરુ ગૌરવ એવોર્ડ”થી સન્માનિત કરવામાં આવ્યા હતા. પ્રસિદ્ધ ભાગવત કથાકાર શ્રી રમેશભાઈ ઓઝા (ભાઈશ્રી)ના હસ્તે તેમને સ્મૃતિચિહ્ન, સન્માનપત્ર અને એવોર્ડ અર્પણ કરવામાં આવ્યો હતો.
છેલ્લા 25 વર્ષથી બીલીઆંબા શાળામાં સેવા આપતા વિમલકુમાર ગામીતના નેતૃત્વમાં શાળાએ શિક્ષણ, રમત-ગમત, પર્યાવરણ અને સ્પર્ધાત્મક પરીક્ષાઓમાં નોંધપાત્ર સિદ્ધિઓ હાંસલ કરી છે. તેમના માર્ગદર્શન હેઠળ શાળામાં વિદ્યાર્થીઓની સંખ્યા 150થી વધીને 550 થઈ છે.
એવોર્ડ સ્વીકાર્યા બાદ તેમણે જણાવ્યું હતું કે, આ સન્માન સમગ્ર શિક્ષકમંડળના ટીમવર્ક અને વિદ્યાર્થીઓના સર્વાંગી વિકાસ માટે કરવામાં આવેલી નિષ્ઠાપૂર્વકની કામગીરીનું પરિણામ છે.
About the Author
