*”સશક્ત નારી મેળા” : જિલ્લો ડાંગ*
–
*પૂર્ણા ઇકો ડેવલોપમેન્ટ સખી મંડળ – માછળીના લખપતી દીદી શ્રીમતી યોગિતાબેન બાગુલને સન્માનિત કરાઈ :*
–
*મિશન મંગલમ યોજના અંતર્ગત સખી મંડળો દ્વારા મહિલાઓમાં બચત, સ્વરોજગાર, નેતૃત્વ ક્ષમતા અને આત્મવિશ્વાસનો વિકાસ થયો*
–
ઝાકિર ઝંકાર : આહવા: તા: ૨૧
ગિરિમથક સાપુતારા ખાતે તા. ૨૧ થી ૨૩ ડિસેમ્બર સુધી ચાલનાર ‘સશક્ત નારી મેળા’નું ગુજરાત વિધાનસભા નાયબ મુખ્ય દંડક શ્રી વિજયભાઈ પટેલના હસ્તે ઉદઘાટન કરવામાં આવ્યું હતું. આ મેળાનો મુખ્ય ઉદ્દેશ્ય સ્થાનિક મહિલા ઉદ્યોગ સાહસિકોને એક સક્ષમ મંચ પૂરું પાડવાનો છે.
આ મેળામા પૂર્ણા ઇકો ડેવલોપમેન્ટ – માછળી સખી મંડળના પ્રમુખ મહિલા શ્રીમતી યોગિતાબેન દિલીપભાઈ બાગુલને લખપતી દીદી તરીકે સન્માનિત કરવામાં આવી હતી.
યોગિતાબેન બાગુલ જણાવે છે કે, તેઓના સખી મંડળ દ્વારા ૧૦૦ રૂપિયા થી બચત કરવાની શરૂઆત કરી હતી. જેમાં તેઓને જિલ્લા ગ્રામ વિકાસ એજન્સી દ્વારા રિવોલવિંગ ફંડમા સહાય આપવામાં આવી, તેઓએ ધિરાણ કરવાનું શરૂ કર્યું હાલ તેઓનું મંડળ પગભર બન્યું છે. આ સખી મંડળ હાલ મહાલ ઇકો કેમ્પ સાઈડમાં કેફે ચલાવી રહ્યાં છે સાથે જ બહેનો દ્વારા નાગલી માંથી વિવિધ ચીજવસ્તુઓ સાથે પ્રાકૃતિક પેદાશો માંથી પણ વિવિધ વસ્તુઓ બનાવી તેનું વેચાણ કરી રહ્યાં છે. બહેનો પાસે આશરે ૧ લાખ થી વધુની રકમ બચતમાં છે. વધુમાં તેઓ જણાવે છે છે કે, આજે લખપતી દીદી તરીકે સન્માનિત કરવામાં આવી જેમાં તેઓનો આત્મવિશ્વાસ વધ્યો છે. આ સખી મંડળની બહેનોએ અન્ય મહિલાઓ માટે પ્રેરણાદાયી ઉદાહરણ પૂરું પાડ્યું છે.
ઉલ્લેખનીય છે કે, મિશન મંગલમ યોજના અંતર્ગત સખી મંડળો દ્વારા મહિલાઓમાં બચત, સ્વરોજગાર, નેતૃત્વ ક્ષમતા અને આત્મવિશ્વાસનો વિકાસ થયો છે. અગાઉ ઘરગથ્થુ કામ સુધી મર્યાદિત રહેલી બહેનો આજે પરિવારની આર્થિક સ્થિતિ મજબૂત બનાવવા મહત્વપૂર્ણ ભૂમિકા ભજવી રહી છે.
–
About the Author
