- આંખની ગંભીર ખામીની સમયસર સારવાર અપાવી નાનકડી બાળકીના જીવનમાં પ્રકાશ પાથરતી RBSK ની ટીમ :
ઝાકિર ઝંકાર આહવા:તા: ૧૯:
ડાંગ જિલ્લાના વઘઈ તાલુકાની ઝાવડા/કાલીબેલની SH-RBSK ટીમે એક મહત્વપૂર્ણ અને ઉદાહરણરૂપ સેવા પુરી પાડી નાનકડી બાળકીના જીવનમાં પ્રકાશ પાથર્યો છે.
વાત છે ઝાવડા ગામની માત્ર દસ માસની નાનકડી બાળકી સુહાની રિતેશભાઈ પવારની. કે જેનુ આહવા સિવિલ હોસ્પિટલની આ ટીમ દ્વારા ‘રેટીનોપેથી ઓફ પ્રિમેચ્યુરિટી’ (ROP) જેવી ગંભીર આંખની ખામીનુ નિદાન કરવામાં આવ્યું. આ ખામીમા જો યોગ્ય સમયે સારવાર ન મળે તો તે ભવિષ્યમાં અંધત્વનું કારણ બની શકે છે. જેની ગંભીરતાથી આ બાળકીના વાલી એવા લાભાર્થીઓને સમજાવતા તેણીની સારવાર ચાલુ કરવામા આવી હતી. પરંતુ છેલ્લા છ મહિનાથી લાભાર્થી ફોલો અપ માટે ગયું ના હોઈ, જેની તપાસ કરતા બાળક વાલી સાથે શેરડીમાં સ્થળાંતરીત થયુ હોવાનું જાણવા મળ્યું હતું. જેથી RBSK ની ટીમ દ્વારા તેમને ફરીવાર સમજાવીને બાળકને ફરી પૂરતી સારવાર મળી રહે તે માટેની તજવીજ હાથ ધરવામા આવી હતી.
બાળકના ઉજ્જવળ ભવિષ્યને ધ્યાનમાં રાખી, તરત જ ‘દ્રષ્ટિ નેત્રાલય હોસ્પિટલ, સુરત’ ખાતે રેફરલ સર્વિસ કરાવી. નિષ્ણાત તબીબોએ આ બાળકીને લેસર ટ્રીટમેન્ટ સફળતાપૂર્વક આપી. જેથી આ બાળકીની દ્રષ્ટિ સુરક્ષિત રાખવામાં મદદ મળી.
હાલમાં આ બાળકીની હાલત સ્થિર છે, અને તેણીને ૧૨ દિવસ પછી ફોલો-અપ માટે આહવા સિવિલ હોસ્પિટલ ખાતે તપાસ માટે લઈ જવાની સલાહ આપવામાં આવી છે.
આ સમગ્ર પ્રક્રિયામાં ડૉ. દિવ્યેશ ગાયકવાડ (SH-RBSK MO) તથા તેમની ટીમની સમયસરની કાર્યવાહી, સમર્પણ અને સંવેદનશીલ અભિગમને કારણે એક બાળકના જીવનમાં આશાનું નવું પ્રકાશ પ્રગટ્યું છે.
સમયસર નિદાન, યોગ્ય રેફરલ, અને સેવાકર્મીઓની નિષ્ઠાપૂર્વકની કામગીરી દ્વારા ભાવિ પેઢી એવા બાળકોના સ્વસ્થ અને સુરક્ષિત ભવિષ્યનું નિર્માણ શક્ય બની રહ્યું છે.
–
About the Author
