*ગુજરાત વિધાનસભા નાયબ મુખ્ય દંડક શ્રી વિજયભાઈ પટેલની ઉપસ્થિતમા નિમ્બારપાડા ગામે પંચાયત માર્ગ અને મકાન વિભાગના વિવિધ કામોનાં ખાતમુહર્તનો કાર્યક્રમ યોજાયો :*
–
*પંચાયત માર્ગ અને મકાન વિભાગ આહવા -ડાંગ હસ્તકના વઘઈ તાલુકા નિર્માણ થનાર કુલ ૩૩૬ લાખના ૪ કામોનું ખાતમુહર્ત કરાયું :*
ઝાકિર ઝંકાર: આહવા: તા: ૧૪
ગુજરાત રાજ્યના મુખ્યમંત્રી શ્રી ભુપેન્દ્રભાઈ પટેલના માર્ગદર્શન હેઠળ તારીખ ૧૩ ફેબ્રુઆરીના રોજ ગુજરાત વિધાનસભા નાયબ મુખ્ય દંડકશ્રી વ ડાંગના ધારાસભ્ય શ્રી વિજયભાઈ પટેલની ઉપસ્થિતમા l નિમ્બારપાડા ગામે ડાંગ જિલ્લા પંચાયત માર્ગ અને મકાન વિભાગ આહવા હસ્તકના વઘઈ તાલુકા નિર્માણ થનાર કુલ ૩૩૬ લાખના ખર્ચે નિર્મિત થનાર અંતરિયાળ વિસ્તારના કુલ ૪ ગ્રામ્ય માર્ગોનું ખાતમુહર્ત કાર્યક્રમ યોજાયો હતો.
ડાંગ જેવા અંતરિયાળ વિસ્તારના ગ્રામ્ય માર્ગોના નવિનિકરણના શ્રુંખલાબધ્ધ કાર્યક્રમો ઉપરાંત પણ હજી બાકી રહી જતાં અંતરિયાળ માર્ગોનું કામ, રાજ્ય સરકાર અગ્રતાના ધોરણે હાથ ધરવા માટે પ્રતિબધ્ધ છે તેમ નાયબ મુખ્ય દંડક શ્રી વિજયભાઇ પટેલે પોતાના પ્રાસંગિક વક્તવ્યમાં જણાવ્યુ હતું.
સૌના સહિયારા પ્રયાસો અને સાથ સહયોગથી ડાંગની પ્રાથમિક જરૂરિયાતના તમામ કાર્યો પૂર્ણ કરવાની રાજ્ય સરકારની નેમ વ્યક્ત કરતાં શ્રી પટેલે, ડાંગ જિલ્લાના થઈ રહેલા સર્વાગિણ વિકાસનો ખ્યાલ આપ્યો હતો.
સ્થાનિક પ્રતિનિધિઓ તેમજ લોકો દ્વારા રસ્તાની માંગણીઓને ધ્યાને રાખી સરકારમાં રજુઆત કરી આ તમામ વિસ્તાનાં મહત્વના તેમજ લોક ઉપયોગી રસ્તાઓનું ખાતમુહર્ત કરાયું છે. જે રસ્તાઓ સ્થાનિક લોકો માટે ખુબ જ ઉપયોગી સાબિત થશે, તેમજ જિલ્લાના મુખ્ય મથક સુધી પહોંચવા વહાનચાલકોને શરળતા થશે તેમ વિધાનસભા નાયબ દંડક શ્રી વિજયભાઈ પટેલે આ પ્રસંગે જણાવ્યું હતું.
આ રસ્તાઓ સજ્જડ અને સારાં રસ્તાઓ બને તે માટે ઇજારદાર અને સ્થાનિક આગેવાનો પણ ધ્યાન રાખે તે હિતાવહ છે. આ સાથે જ ડાંગમાં વિકાસ નાં કાર્યો કરવાં સતત પ્રયત્ન કરવામાં આવે છે ત્યારે ગ્રામજનો પણ સરકાર અને વહીવટી તંત્રને સહયોગ આપે તે જરૂરી છે.
વર્તમાન સરકાર દ્વારા ડાંગ જિલ્લામાં રસ્તા, પાણી, સિંચાઈ, આરોગ્ય, શિક્ષણ ક્ષેત્રે પ્રગતિ કરવા માટે તમામ પ્રયત્નો કરવામાં આવી રહ્યાં છે.
નિમ્બારપાડા ગામે યોજાયેલ ખાતમુહર્ત કાર્યક્રમમાં માનમોડી બોંડારમાળ નિમ્બારપાડા રોડ જે રૂપિયા ૨૦૫ લાખ, માળુંગા શ્રી જયરામભાઇ હાઉસ રોડ જે રૂપિયા ૪૧ લાખ, ગુંદવહળ ગામે ભદર ફળિયાનો રસ્તો જે રૂપિયા ૫૦ લાખ, અને નડગચોંડ નાકાથી નીચલા ફળિયામાં ફ્રિડીના ઉતારા તરફના રસ્તો જે રૂપિયા ૫૦ લાખ આમ કુલ ૩૩૬ લાખના ખર્ચે નિર્માણ થનારા કુલ ૪ કામોનું ખાતમુહર્ત કરવામાં આવ્યું હતું.
આ પ્રસંગે ડાંગ જિલ્લા પંચાયત બાંધકામ સમિતિના ચેરમેન શ્રી ચંદરભાઈ ગાવિત, માનનોડી ગ્રુપ ગ્રામ પંચાયતના સરપંચ શ્રી નગીનભાઈ ગાવિત, ભાજપા પાર્ટી પ્રમુખ શ્રી કિશોરભાઈ ગાવિત સહિતના પદાધિકારીશ્રીઓ, માર્ગ અન મકાન વિભાગના અધિકારીશ્રીઓ અને મોટી સંખ્યામાં ગ્રામજનો ઉપસ્થિત રહ્યાં હતાં.
–
About the Author
