તા. 15/02/2026
આજે હાજીપીર ફાટકથી હાજીપીર સુધી બનેલા નવા CC રોડનું લોકાર્પણ કાર્યક્રમ ભવ્ય રીતે યોજાયો હતો. આ માર્ગનું ઉદ્ઘાટન અબડાસા વિધાનસભા ક્ષેત્રના ધારાસભ્ય Pradhyumansinh Mahipatsinh Jadejaના હસ્તે કરવામાં આવ્યું.
કાર્યક્રમ દરમિયાન ડ્રાઈવર મિત્રો, ટ્રક અને ટેલર માલિકો, પક્ષના કાર્યકરો, અધિકારી વર્ગ તેમજ આજુબાજુના ગ્રામજનો મોટી સંખ્યામાં હાજર રહ્યા હતા. સૌએ વિકાસકાર્યને આવકારી આનંદ વ્યક્ત કર્યો હતો.
હાજીપીર તરફ જતા યાત્રાળુઓ તથા વાહનચાલકો માટે આ CC રોડ અત્યંત ઉપયોગી સાબિત થશે. ખાસ કરીને ભારે વાહન વ્યવહાર અને વરસાદી મોસમ દરમિયાન પડતી મુશ્કેલીઓ હવે દૂર થશે તેવી આશા વ્યક્ત કરવામાં આવી છે.
ધારાસભ્યશ્રીએ પોતાના સંબોધનમાં જણાવ્યું હતું કે વિસ્તારના માર્ગ વ્યવહાર અને મૂળભૂત સુવિધાઓને વધુ મજબૂત બનાવવા સતત પ્રયત્નો ચાલુ રહેશે.
સ્થાનિક લોકો અને પરિવહન વ્યવસાય સાથે જોડાયેલા લોકો દ્વારા આ વિકાસકાર્ય બદલ આભાર વ્યક્ત કરવામાં આવ્યો હતો.
✍️ રિપોર્ટ આદમ નોતિયાર
ઇન્ડિયા ટીવી ન્યુઝ બિયરો ચીફ
લખપત તાલુકા
About the Author
