ਸਧਾਰਨ ਜੀਵਨ ਨਾਲ ਸਿਹਤਮੰਦ ਜੀਵਨ ਬਤੀਤ ਕੀਤਾ ਜਾ ਸਕਦਾ ਹੈ-ਡਾ. ਗੁੰਜਨ ਮਿਸ਼ਰਾ
ਸਮਾਜ ਸੇਵੀ ਡਾ. ਰਘਵੀਰ ਸ਼ੁਕਲਾ ਦੇ ਸ਼ੁਕਲਾ ਹਸਪਤਾਲ ‘ਚ ਲਗਾਇਆ ਮੁਫ਼ਤ ਮੈਡੀਕਲ ਕੈਪ
ਅਮਲੋਹ(ਅਜੇ ਕੁਮਾਰ)
ਵੱਧ ਰਹੀ ਗਰਮੀ ਅਤੇ ਲੂੰ ਕਾਰਣ ਸਾਨੂੰ ਬਿਮਾਰੀਆਂ ਤੋਂ ਬਚਾਅ ਲਈ ਸਧਾਰਨ ਜੀਵਨ ਬਤੀਤ ਕਰਦੇ ਹੋਏ ਘਰੇਲੂ ਸਬਜੀਆਂ, ਫਲਾਂ ਆਦਿ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਹ ਗੱਲ ਅਰੋਗਿਆ ਆਯੁਰਵੈਦਿਕ ਫਾਰਮੇਸੀ ਪਟਿਆਲਾ ਦੇ ਡਾ. ਗੁੰਜਨ ਮਿਸ਼ਰਾ ਨੇ ਉਘੇ ਸਮਾਜ ਸੇਵੀ ਡਾ. ਰਘਵੀਰ ਸ਼ੁਕਲਾ ਦੇ ਨਾਭਾ ਰੋਡ ਅਮਲੋਹ ਸਥਿੱਤ ਸ਼ੁਕਲਾ ਹਸਪਤਾਲ ਵਿਚ ਲਗਾਏ ਮੈਡੀਕਲ ਕੈਪ ਦੌਰਾਨ ਪੱਤਰਕਾਰਾਂ ਨਾਲ ਗਲਬਾਤ ਕਰਦਿਆ ਕਹੀ। ਉਨ੍ਹਾਂ ਕਿਹਾ ਕਿ 3-4 ਘੰਟੇ ਵਿਚ ਖਾਣਾ ਖਰਾਬ ਹੋ ਜਾਦਾ ਹੈ ਇਸ ਲਈ ਸਾਨੂੰ ਢਾਬੇ ਅਤੇ ਹੋਟਲਾਂ ਦੇ ਖਾਣੇ ਤੋਂ ਪਰਹੇਜ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਗਰਮੀ ਦੇ ਮੌਸਮ ਵਿਚ ਅਸੀ ਅਕਸਰ ਗੰਨੇ ਦੇ ਜੂਸ ਨੂੰ ਪਹਿਲ ਦਿੰਦੇ ਹਾਂ ਲੇਕਿਨ ਇਸ ਗੱਲ ਦਾ ਧਿਆਨ ਰਖਣਾ ਜਰੂਰੀ ਹੈ ਕਿ ਜੂਸ ਵਾਲੀ ਥਾਂ ਮੱਖੀਆਂ ਨਾ ਹੋਣ ਅਤੇ ਸਾਫ਼ ਸਫਾਈ ਹੋਵੇ ਕਿਉਂਕਿ ਅਜਿਹਾ ਨਾ ਕਰਨ ਤੇ ਪੇਟ ਆਦਿ ਦੀਆਂ ਬਿਮਾਰੀਆਂ ਦਾ ਸਿਕਾਰ ਹੋ ਸਕਦੇ ਹਾਂ। ਉਨ੍ਹਾਂ ਬਜੁਰਗ ਅਤੇ ਬੱਚਿਆਂ ਨੂੰ ਧੁਪ ਵਿਚ ਵੀ ਜਾਣ ਤੋਂ ਪ੍ਰਹੇਜ ਕਰਨ ਅਤੇ ਸਰਕਾਰ ਨੂੰ ਲੂੰ ਨੂੰ ਮੁਖ ਰਖਦੇ ਹੋਏ ਸਕੂਲਾਂ ਵਿਚ ਛੁਟੀਆਂ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਤੇਜ਼ੀ ਨਾਲ ਪ੍ਰਦੂਸਤਿ ਹੋ ਰਹੇ ਹਵਾ ਪਾਣੀ ਅਤੇ ਖਾਦ-ਪਦਾਰਥਾਂ ਕਾਰਨ ਅਸੀ ਭਿਆਨਕ ਬਿਮਾਰੀਆਂ ਦਾ ਸਿਕਾਰ ਹੋ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਪੁਰਾਣੇ ਬਜੁਰਗ ਘਰੇਲੂ ਖੁਰਾਕ, ਹੱਥੀ ਕੰਮ ਨੂੰ ਪਹਿਲ ਦਿੰਦੇ ਸਨ ਜਿਸ ਕਾਰਣ ਉਹ ਘੱਟ ਬਿਮਾਰੀਆਂ ਦਾ ਸਿਕਾਰ ਹੁੰਦੇ ਸਨ। ਉਨ੍ਹਾਂ ਫਾਸਟ ਫੂਡ, ਤਲਿਆ ਹੋਇਆ ਭੋਜਨ ਅਤੇ ਵਧੇਰੇ ਮਾਨਸਿਕ ਦਬਾਅ ਤੋਂ ਪ੍ਰਹੇਜ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਗਰਮੀ ਵਿਚ ਪਸੀਨੇ ਕਾਰਣ ਬੀ.ਪੀ. ਘੱਟ ਜਾਦਾ ਹੈ ਇਸ ਲਈ ਵਾਰ-ਵਾਰ ਪਾਣੀ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਸਮਾਜ ਸੇਵੀ ਡਾ. ਰਘਵੀਰ ਸ਼ੁਕਲਾ ਨੇ ਕਿਹਾ ਕਿ ਤੰਦਰੁਸਤ ਜੀਵਨ ਜਿਉਂਣ ਲਈ ਸਾਨੂੰ ਘਰਾਂ ਵਿਚ ਨਿੰਬੂ ਪਾਣੀ ਅਤੇ ਘਰੇਲੂ ਖਾਣੇ ਨੂੰ ਪਹਿਲ ਦੇਣੀ ਚਾਹੀਦੀ ਹੈ। ਉਨ੍ਹਾਂ ਗਰਮੀ ਵਿਚ ਕੱਕੜੀ ਅਤੇ ਖੀਰੇ ਦੇ ਨਾਲ ਨਾਲ ਮੌਸਮੀ ਫ਼ਲ ਖਾਣ ਦੀ ਵੀ ਸਲਾਹ ਦਿਤੀ। ਉਨ੍ਹਾਂ ਕਿਹਾ ਕਿ ਅਸੀ ਆਪਣੇ ਸਵਾਨ ਲਈ ਬੇਮੌਸਮੀਆਂ ਸਬਜ਼ੀਆਂ ਤੇ ਵਿਦੇਸ਼ੀ ਫਲਾਂ ਨੂੰ ਤਰਜੀਹ ਦਿੰਦੇ ਹਾਂ ਜੋਂ ਬਹੁਤ ਗਲਤ ਹੈ ਕਿਉਂਕਿ ਇਸ ਨਾਲ ਇਮਿਊਨ ਸਿਸਟਮ ਖਰਾਬ ਹੁੰਦਾ ਹੈ ਅਤੇ ਅਸੀ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਦਾ ਸਿਕਾਰ ਹੁੰਦੇ ਹਾਂ। ਇਸ ਮੌਕੇ ਰੇਨੂੰ ਬਾਲਾ, ਸਰਵਨ ਕੁੁਮਾਰ ਅਤੇ ਟੀਨਾ ਸ਼ਰਮਾ ਆਦਿ ਹਾਜ਼ਰ ਸਨ। ਕੈਪ ਦੌਰਾਨ 100 ਦੇ ਕਰੀਬ ਮਰੀਜਾਂ ਦਾ ਚੈਕਅੱਪ ਕੀਤਾ ਗਿਆ। ਉਨ੍ਹਾਂ ਦਸਿਆ ਕਿ 15 ਦਿਨ ਬਾਅਦ ਮੁੜ ਇਸ ਹਸਪਤਾਲ ਵਿਚ ਕੈਪ ਲਗਾਇਆ ਜਾਵੇਗਾ।
ਫੋਟੋ ਕੈਪਸਨ: ਡਾ. ਗੁੰਜਨ ਮਿਸ਼ਰਾ ਅਤੇ ਡਾ. ਰਘਵੀਰ ਸ਼ੁਕਲਾ ਕੈਪ ਦੌਰਾਨ ਜਾਣਕਾਰੀ ਦਿੰਦੇ ਹੋਏ।
About the Author
