*ડાંગમાં ૭૭મો વન મહોત્સવ ઉજવાયો*
*રિપોર્ટર ઝાકિર ઝંકાર ડાંગ (સુબીર)*
સુબીર નવજ્યોત હાઈસ્કૂલ ખાતે ડાંગ જિલ્લા કક્ષાનો ૭૭મો વન મહોત્સવ ધારાસભ્ય અને ગુજરાત વિધાનસભાના નાયબ મુખ્ય દંડક શ્રી વિજયભાઈ પટેલની ઉપસ્થિતિમાં યોજાયો. ‘એક પેડ માઁ કે નામ ૩.૦’ અંતર્ગત મહાનુભાવોએ વૃક્ષારોપણ કરી સૌને જન્મદિવસ કે શુભ પ્રસંગે એક વૃક્ષ વાવવાનો સંકલ્પ લેવા અપીલ કરી હતી.
કાર્યક્રમમાં માલિકી યોજના હેઠળ ૬ લાભાર્થીઓને રૂ. ૪૫.૧૮ લાખ, એગ્રોફોરેસ્ટ્રી યોજના હેઠળ ૨ લાભાર્થીઓને રૂ. ૧.૨૦ લાખ અને લખપતિ દીદી યોજનાના ૨ સખી મંડળોને રૂ. ૨૪ લાખના ચેક અર્પણ કરાયા હતા. શ્રેષ્ઠ કામગીરી કરનાર વનકર્મીઓને પ્રશસ્તિપત્ર આપી સન્માનિત કરાયા હતા. કાર્યક્રમ બાદ વૃક્ષ રથને પ્રસ્થાન કરાવવામાં આવ્યું હતું.
શ્રી વિજયભાઈ પટેલે ડાંગની ઓળખ જંગલ હોવાનું જણાવી વનોના સંરક્ષણ માટે સૌને સહભાગી બનવા અપીલ કરી હતી. કાર્યક્રમમાં જિલ્લા પંચાયત પ્રમુખ રાજેશભાઈ ગામીત સહિત વન વિભાગના અધિકારીઓ, સ્થાનિક પદાધિકારીઓ અને મોટી સંખ્યામાં લોકો ઉપસ્થિત રહ્યા હતા.
About the Author
