*ધોરણ ૬થી ૧૦ના વિદ્યાર્થીઓ માટે નેશનલ સાયન્સ ડ્રામા ફેસ્ટિવલ ૨૦૨૬-૨૭નું આયોજન*
*વિજ્ઞાન અને સમાજ વિષય પર નાટ્ય પ્રસ્તુતિ દ્વારા વૈજ્ઞાનિક અભિગમ કેળવવાનો પ્રયાસ*
*આહવા, ડાંગ | રિપોર્ટર: ઝાકિર ઝંકાર*
વિદ્યાર્થીઓમાં વૈજ્ઞાનિક અભિગમ, વૈજ્ઞાનિક વિચારસરણી અને સર્જનાત્મકતાને પ્રોત્સાહન આપવા માટે ગુજરાત કાઉન્સિલ ઓન સાયન્સ એન્ડ ટેકનોલોજી (GUJCOST) દ્વારા નેશનલ કાઉન્સિલ ઓફ સાયન્સ મ્યુઝિયમ્સ (NCSM), ભારત સરકારના સંયુક્ત ઉપક્રમે નેશનલ સાયન્સ ડ્રામા ફેસ્ટિવલ (NSDF) ૨૦૨૬-૨૭નું આયોજન કરવામાં આવ્યું છે.
આ ફેસ્ટિવલમાં ધોરણ ૬થી ૧૦ના વિદ્યાર્થીઓ ભાગ લઈ શકશે. નાટ્ય માધ્યમ દ્વારા વિદ્યાર્થીઓમાં વૈજ્ઞાનિક દૃષ્ટિકોણ વિકસાવવો, વૈજ્ઞાનિક વિચારસરણીને પ્રોત્સાહન આપવું તેમજ સમાજમાં રહેલી અંધશ્રદ્ધાઓ સામે વૈજ્ઞાનિક સમજણ ઊભી કરવી એ કાર્યક્રમનો મુખ્ય ઉદ્દેશ્ય છે.
આ વર્ષનો મુખ્ય વિષય “વિજ્ઞાન અને સમાજ (Science & Society)” રાખવામાં આવ્યો છે. જેના અંતર્ગત વિદ્યાર્થીઓ વિવિધ વૈજ્ઞાનિક અને સામાજિક મુદ્દાઓને નાટ્ય સ્વરૂપે રજૂ કરશે.
ફેસ્ટિવલના પેટા વિષયોમાં “આર્ટિફિશિયલ ઇન્ટેલિજન્સ (AI): મિત્ર, સાધન કે જોખમ?”, “ઇલેક્ટ્રિક વાહનો (EV): આગળની રાહ”, “આંતરતારાકીય વસવાટ (Interstellar Habitats)” તેમજ “મહાસાગરોનું પુનઃસ્થાપન: ભાવિ પેઢીઓનું રક્ષણ” જેવા મહત્વપૂર્ણ વિષયોનો સમાવેશ કરવામાં આવ્યો છે.
આ પ્રકારના આયોજનથી વિદ્યાર્થીઓને વિજ્ઞાનને માત્ર પુસ્તકના વિષય તરીકે નહીં પરંતુ દૈનિક જીવન અને સમાજ સાથે જોડીને સમજવાની તક મળશે. સાથે જ નાટ્યકલા અને વિજ્ઞાનના સમન્વયથી વિદ્યાર્થીઓની રજૂઆત ક્ષમતા, ટીમવર્ક અને વૈજ્ઞાનિક વિચારસરણીને પણ વેગ મળશે.
About the Author
