शेलपिंपळगावात पोलीस शिपायाच्याच घरी चोरी; चोरट्यांना पकडण्याच्या प्रयत्नात पोलिसावर कोयत्याने हल्ला
संबंधित चोरटे अंदाजे २५ ते ३० वर्षीय असून त्यामध्ये एका महिलेचाही समावेश असल्याचे पोलीस शिपायाने फिर्यादीत सांगितले
शेलपिंपळगाव : शेलपिंपळगाव (ता.खेड) येथे रात्रीच्या सुमारास एका पोलीस शिपायाच्या घराच्या दाराचे कुलूप तोडून अज्ञात पाच ते सहा चोरट्यांनी कपाटातून ६२ हजार ५०० रुपये किंमतीचे सोने लंपास केले. दरम्यान चोरट्यांना पकडण्याचा प्रयत्न करत असलेल्या पोलीस शिपायावर संबंधित चोरट्यांनी धारदार कोयत्याने हल्ला केला. या हल्ल्यात पोलीस शिपाई गंभीर जखमी झाले असून खाजगी रुग्णालयात त्यांच्यावर उपचार सुरू आहेत. सदरची घटना सीसीटीव्ही कॅमेरात कैद झाली असून पाच ते सहा चोरटे दिसून येत आहेत. याप्रकरणी अनिकेत पंडित दौंडकर (रा. शेलपिंपळगाव ता. खेड) यांनी चाकण पोलीस ठाण्यात फिर्याद दिली आहे.
पुणे प्रकाश बळीराम सोनवणे असोसिएट हेड इंडियन टीव्ही न्यूज महाराष्ट्र
