ਅਮਲੋਹ (ਅਜੇ ਕੁਮਾਰ)
ਮਾਨਯੋਗ ਸਬ-ਡਵੀਜਨ ਮੈਜਿਸਟਰੇਟ ਸ੍ਰੀ ਚੇਤਨ ਬੰਗੜ, ਅਮਲੋਹ ਜੀ ਦੀ ਅਗਵਾਈ ਹੇਠਾਂ ਨਗਰ ਕੌਸਲ ਅਮਲੋਹ ਦੇ ਪ੍ਧਾਨ ਸ ਸਿਕੰਦਰ ਸਿੰਘ ਗੋਗੀ ਅਤੇ ਕਾਰਜ ਸਾਧਕ ਅਫਸਰ ਸ ਬਲਜਿੰਦਰ ਸਿੰਘ ਜੀ ਦੇ ਸਹਿਯੋਗ ਨਾਲ ਨਗਰ ਕੌਸਲ ਅਮਲੋਹ ਦੇ ਵੱਲੋਂ ਸਵੱਛ ਭਾਰਤ ਮਿਸਨ ਤਹਿਤ ਇੱਕ ਝਾਕੀ ਕੱਢੀ ਗਈ। ਜਿਸ ਵਿੱਚ ਹਾਜਿਰ ਸ਼ਹਿਰ ਵਾਸੀਆਂ ਨੂੰ ਦੱਸਿਆ ਕਿਹਾ ਗਿਆ ਕਿ ਹਮੇਸ਼ਾ ਡਸਟਬਿਨਾ ਦੀ ਵਰਤੋਂ ਕੀਤੀ ਜਾਵੇ ਗਿੱਲਾ ਅਤੇ ਸੁੱਕਾ ਕੂੜਾ ਅਲੱਗ ਅਲੱਗ ਰੱਖ ਕੇ ਨਗਰ ਕੌਸਲ ਦੇ ਸਫਾਈ ਕਰਮਚਾਰੀਆਂ ਨੂੰ ਹੀ ਦਿੱਤਾ ਜਾਵੇ। ਪਲਾਸਟਿਕ ਦੇ ਲਿਫਾਫੇ ਅਤੇ ਡਿਸਪੋਜਲ ਨੂੰ ਵਰਤਣ ਤੇ ਪੂਰਨ ਤੌਰ ਤੇ ਪਾਬੰਦੀ ਹੈ। ਇਨ੍ਹਾਂ ਦੀ ਵਰਤੋਂ ਨਾ ਕੀਤੀ ਜਾਵੇ ਹਮੇਸ਼ਾ ਕੱਪੜੇ ਦੇ ਝੋਲੇ ਦੀ ਹੀ ਵਰਤੋਂ ਕੀਤੀ ਜਾਵੇ।ਇਸ ਤੋਂ ਇਲਾਵਾ ਨਗਰ ਕੌਸਲ ਅਮਲੋਹ ਵੱਲੋਂ ਗਿੱਲੇ ਕੂੜੇ ਤੋਂ ਤਿਆਰ ਖਾਦ ਦੀ ਸਟਾਲ ਵੀ ਲਗਾਈ ਗਈ। ਅਤੇ ਖਾਦ ਨੂੰ ਮਾਨਯੋਗ ਸਬ – ਡਵੀਜ਼ਨ ਮੈਜਿਸਟਰੇਟ, ਤਹਿਸੀਲਦਾਰ ਅਤੇ ਕਾਰਜ ਸਾਧਕ ਅਫਸਰ ਵੱਲੋਂ ਪਬਲਿਕ ਨੂੰ ਵੰਡੀ ਗਈ।
