ਫ਼ਤਹਿਗੜ੍ਹ ਸਾਹਿਬ,(ਅਜੇ ਕੁਮਾਰ)
ਮਾਤਾ ਗੁਜਰੀ ਕਾਲਜ ਐਕਸ ਸਟੂਡੈਂਟ ਸੇਵਕ ਜਥੇ ਵਲੋਂ ਕੈਂਸਰ, ਹੱਡੀਆਂ ਤੇ ਅੱਖਾਂ ਦਾ ਫਰੀ ਚੈਕ ਕੈਪ ਦਸਨਾਮੀ ਅਖਾੜਾ ਸਰਹਿੰਦ ਸ਼ਹਿਰ ਵਿਖ਼ੇ ਲਗਾਇਆ ਗਿਆ ਜਿਸ ਦਾ ਉਦਘਾਟਨ ਵਿਧਾਇਕ ਲਖਵੀਰ ਸਿੰਘ ਰਾਏ, ਸੇਵਕ ਜਥੇ ਦੇ ਵਰਲਡ ਵਾਈਡ ਪ੍ਰਧਾਨ ਅਮਰ ਸਿੰਘ ਕਨੇਡਾ, ਸਰਪਰਸਤ ਹਰਪਾਲ ਸਿੰਘ ਚੀਮਾ ਅਤੇ ਅਮਰਜੀਤ ਸਿੰਘ ਬੰਟੀ ਯੂਕੇ ਨੇ ਸਾਂਝੇ ਤੌਰ ਤੇ ਕੀਤਾ। ਸ੍ਰੀ ਰਾਏ ਨੇ ਇਸ ਕਾਰਜ਼ ਦੀ ਸਲਾਘਾ ਕਰਦਿਆ ਕਿਹਾ ਕਿ ਸਾਨੂੰ ਸਮਾਜ ਸੇਵਾ ਦੇ ਕਾਰਜਾਂ ਵਿਚ ਵੱਧ ਚੜ੍ਹ ਕੇ ਹਿਸਾ ਪਾਉਂਣਾ ਚਾਹੀਦਾ ਹੈ। ਕੈਂਪ ਵਿੱਚ ਵਰਲਡ ਕੈਂਸਰ ਕੇਅਰ ਸੰਸਥਾ ਵੱਲੋਂ 560 ਮਰੀਜਾਂ ਦਾ ਚੈਕ ਅਪ ਕੀਤਾ ਗਿਆ ਜਿਨ੍ਹਾਂ ਵਿੱਚ ਕੈਂਸਰ ਦੇ 130, ਹੱਡੀਆਂ ਦੇ 120 ਅਤੇ ਅੱਖਾਂ ਦੇ 310.ਮਰੀਜ ਸਾਮਲ ਸਨ ਜਿਨ੍ਹਾਂ ਦੇ ਮੁਫ਼ਤ ਟੈਸਟ ਵੀ ਕੀਤੇ ਗਏ। ਇੰਨ੍ਹਾਂ ਕੈਂਪਾਂ ਦੌਰਾਨ ਔਰਤਾਂ ਅਤੇ ਮਰਦਾਂ ਵਿਚ ਕੈਂਸਰ ਨੂੰ ਪਹਿਲੀ ਸਟੇਜ ਤੋਂ ਫੜਣ ਲਈ ਸਰੀਰਕ ਜਾਂਚ ਤੋਂ ਬਾਅਦ ਲਛਣਾ ਦੇ ਅਦਾਰ ਤੇ ਮੈਮੋਗ੍ਰਾਫੀ ਟੈਸਟ (ਛਾਤੀ ਦੇ ਕੈਂਸਰ ਲਈ), ਪੇਪ ਸਮੀਅਰ ਟੈਸਟ (ਬੱਚੇਦਾਨੀ ਦੇ ਕੈਂਸਰ), ਪੀ.ਐਸ.ਏ. ਟੈਸਟ (ਗਦੂਦਾਂ ਦੇ ਕੈਂਸਰ), ਹੱਡੀਆ, ਮੂੰਹ ਅਤੇ ਗਲੇ ਆਦਿ ਦਾ ਜਾਂਚ ਕੀਤੀ ਗਈ। ਮਰੀਜਾਂ ਦਾ ਬਲੈਡ ਪ੍ਰੈਸਰ, ਬਲੱਡ ਸ਼ੁਗਰ ਚੈੱਕ ਕੀਤਾ ਗਿਆ ਅਤੇ ਦਵਾਈਆਂ ਵੀ ਦਿੱਤੀਆਂ ਗਈਆਂ। ਲੋਕਾਂ ਨੂੰ ਕੈਂਸਰ ਪ੍ਰਤੀ ਜਾਗਰੂਕ ਕਰਨ ਲਈ ਵੀਡੀਉ ਦਿਖਾਈ ਗਈ ਅਤੇ ਲੱਛਣਾਂ ਤੋਂ ਜਾਣੂ ਕਰਾਉਣ ਲਈ ਇਸਤਿਹਾਰ ਵੰਡੇ ਗਏ। ਮਾਤਾ ਗੁਜਰੀ ਕਾਲਜ ਸੇਵਕ ਜਥੇ ਦੇ ਵਰਲਡ ਵਾਈਡ ਪ੍ਰਧਾਨ ਅਮਰ ਸਿੰਘ ਨੇ ਕਿਹਾ ਕਿ ਇੱਕ ਅਨੁਮਾਨ ਅਨੁਸਾਰ ਸਰਕਾਰੀ ਅੰਕੜਿਆਂ ਮੁਤਾਬਿਕ ਭਾਰਤ ਵਿੱਚ ਹਰ ਸਾਲ 12 ਲੱਖ ਲੋਕਾਂ ਨੂੰ ਕੈਂਸਰ ਹੁੰਦਾ ਹੈ ਜਿਨ੍ਹਾਂ ਵਿੱਚੋਂ 7.5 ਲੱਖ ਲੋਕਾਂ ਦੀ ਮੌਤ ਹੁੰਦੀ ਹੈ, ਇਸ ਲਈ ਸਾਨੂੰ ਕੈਂਸਰ ਪ੍ਰਤੀ ਜਾਗਰੂਕ ਹੋਣਾ ਜਰੂਰੀ ਹੈ। ਕੈਂਪ ਵਿੱਚ ਅਮਰਜੀਤ ਸਿੰਘ ਬੰਟੀ ਯੂਕੇ, ਪਿਰਤਪਾਲ ਸਿੰਘ ਬਾਲੂ ਅਮਰੀਕਾ, ਅਮਰਜੀਤ ਸਿੰਘ ਚੀਮਾ ਪ੍ਰਧਾਨ, ਮਨਦੀਪ ਕੌਰ ਕਨੇਡਾ, ਗੁਰਜੀਤ ਸਿੰਘ ਬਾਠ, ਇਕਬਾਲ ਸਿੰਘ ਕੰਗ, ਰਣਦੀਪ ਸਿੰਘ ਲਾਡੀ, ਬਲਜਿੰਦਰ ਸਿੰਘ ਥਾਣੇਦਾਰ, ਪ੍ਰੇਮ ਸਿੰਘ ਇਟਲੀ, ਸੁਰਜੀਤ ਸਿੰਘ ਚੰਡੀਗੜ੍ਹ, ਜਸਵੰਤ ਸਿੰਘ ਰੈਲੀ, ਪਰਮਜੀਤ ਸਿੰਘ ਚਨਾਲਾਓ, ਸਰਬਜੀਤ ਸਿੰਘ ਸੁਹਾਗਹੇੜੀ, ਸੁਖਦੇਵ ਸਿੰਘ ਢੀਂਡਸਾ, ਹਰਭਜਨ ਸਿੰਘ ਬਜਵਾੜਾ ਅਮਰੀਕਾ, ਕਨਿੰਦਰ ਕੌਰ ਯੂਕੇ, ਜਸਵਿੰਦਰ ਸਿੰਘ ਠੇਕੇਦਾਰ, ਜੈ ਸਿੰਘ ਬਾੜਾ, ਸੁਖਵਿੰਦਰ ਸਿੰਘ ਕਾਨੂੰਗੋ, ਨਿਰਮਲ ਸਿੰਘ ਮੋਹਾਲੀ, ਪਰਮਿੰਦਰ ਸਿੰਘ ਕਾਨੂੰਗੋ, ਡਾ ਦਿਨੇਸ਼ ਉਬਰਾਏ, ਮੋਹਨ ਸਿੰਘ ਸਰਹਿੰਦ, ਦੇਵਿੰਦਰ ਸਿੰਘ ਚੀਮਾ, ਸੁਰਮੁਖ ਸਿੰਘ ਸੰਧੂ, ਗੁਰਵੰਤ ਸਿੰਘ ਰੈਲੀ, ਯਾਦਵਿੰਦਰ ਸਿੰਘ ਤਲਾਣੀਆਂ, ਭੁਪਿੰਦਰ ਸਿੰਘ ਮਾਨੂੰਪੁਰ, ਗੁਰਵਿੰਦਰ ਸਿੰਘ ਵਿਰਕ, ਗੁਰਮੀਤ ਸਿੰਘ ਖਰੜ੍ਹ, ਜਸਪਾਲ ਸਿੰਘ ਮਾਵੀ, ਗੁਰਮੁਖ ਸਿੰਘ ਗਿੱਲ, ਭੁਪਿੰਦਰ ਸਿੰਘ ਬਰਾਸ, ਜਸਵੰਤ ਸਿੰਘ ਸਰਹਿੰਦ ਅਤੇ ਭਿੰਦਰ ਸਿੰਘ ਕਲੋੜ ਆਦਿ ਹਾਜ਼ਰ ਸਨ।
*ਫੋਟੋ : ਕੈਪ ਦਾ ਉਦਘਾਟਨ ਕਰਦੇ ਹੋਏ ਵਿਧਾਇਕ ਲਖਬੀਰ ਸਿੰਘ ਰਾਏ।*
*ਫ਼ੋਟੋ ਕੈਪਸਨ: ਕੈਪ ਦਾ ਨਰੀਖਣ ਕਰਦੇ ਹੋਏ ਪਤਵੰਤੇ।*
