*ડાંગ જિલ્લામાં એલીમીનેશન ઓફ લીમ્ફેટીક ફાઇલેરિયાસીસ અંતર્ગત સામુહિક દવા વિતરણ કાર્યક્રમ યોજાશે

*ડાંગ જિલ્લામાં એલીમીનેશન ઓફ લીમ્ફેટીક ફાઇલેરિયાસીસ અંતર્ગત સામુહિક દવા વિતરણ કાર્યક્રમ યોજાશે :*
–
*વઘઇ તાલુકામા તા.૧૦ થી ૧૨ ફેબ્રઆરી દરમિયાન સામૂહિક દવા વિતરણ કાર્યક્રમ કાર્યક્રમ યોજાશે :*
–
*કાર્યક્રમના આયોજન અને પ્રચાર પ્રસારના ભાગરૂપે અધિક જિલ્લા આરોગ્ય અધિકારીશ્રીના અધ્યક્ષ સ્થાને પ્રેસ મીટ યોજાઇ :*
–

ઝાકિર ઝંકાર : આહવા: તા: ૧૬

એલીમીનેશન ઓફ લીમ્ફેટીક ફાઇલેરિયાસીસ અંતર્ગત ભારત સરકારશ્રી દ્વારા વર્ષ ૨૦૩૦ સુધીમાં ફાઇલેરિયા નિર્મુલન અંગેનો લક્ષ્યાંક નક્કી કરવામા આવેલ છે. જે કાર્યક્રમ અંતર્ગત ડાંગ જિલ્લાના વઘઇ તાલુકાના ૯૭ ગામોના કુલ ૮૫૩૨૧ લોકોને DEC અને આલ્બેન્ડાઝોલ ટેબલેટનો સામુહિક દવા વિતરણનો કાર્યક્રમ તારીખ ૧૦ થી ૧૨ ફેબ્રઆરી દરમિયાન વઘઇ તાલુકાની સાકરપાતળ, કાલીબેલ, અને ઝાવડા પી.એચ.સી દ્વારા કરવામા આવનાર છે.

આ કાર્યક્રમના આયોજન તેમજ પ્રચાર પ્રસારના ભાગરૂપે, ડાંગ જિલ્લા પંચાયતના આરોગ્ય વિભાગ દ્વારા અધિક જિલ્લા આરોગ્ય અધિકારીશ્રી ડો.હિંમાશુ ગામિતના અધ્યક્ષ સ્થાને આજરોજ જિલ્લાના પત્રકારો સાથે એક “પ્રેસ મીંટગ” નુ આયોજન કરવામા આવ્યુ હતુ.

જેમા માહિતી આપતા શ્રી ડો.હિંમાશુ ગામિતે જણાવ્યુ હતુ કે, ભારત સરકારશ્રીના બ્લોક વાઇઝ સ્ટ્રેટેજી સુચવ્યાં મુજબ વર્ષ ૨૦૨૪ થી સામુહિક દવા વિતરણ પ્રવૃતિ હાથ ધરવામાં આવી રહેલ છે. સામુહિક દવા વિતરણ પ્રવૃતિના અમલીકરણ બાદ તેની અસરકારકતાના અભ્યાસ માટે હાથ ધરવામાં આવતી નાઇટ બ્લડ સર્વેની કામગીરીમાં ચાલુ વર્ષે MDA હેઠળ સમાવેશ પામતા તાલુકાઓમાં MF રેટ શૂન્ય નોંધાયેલ છે. જે વર્ષ ૨૦૨૫ દરમિયાન જિલ્લાઓ દ્વારા MDA ની કામગીરી ઘનિષ્ઠ સુપરવિઝન અને દેખરેખ અસરકારક રીતે હોવાનું દર્શાવે છે. વર્ષ ૨૦૨૫ માં MDA હેઠળ સમાવેશ પામતા તાલુકાના વિસ્તારોમાં નાઇટ બ્લડ સર્વેમાં MF રેટ શૂન્ય હોવા થતાં ડાંગ જિલ્લાના વઘઇ તાલુકાના વિસ્તારમા નક્કી કરેલ સર્વેની સાઇટ્સમા માઇક્રો ફાઇલેરિયા રેટ ૧ થી વઘુ નોંધાતા ગત વર્ષ તારીખ ૧૦ થી ૧૨ ફેબ્રઆરી ૨૦૨૬ દરમિયાન વઘઇ તાલુકાની સાકરપાતળ, ઝાવડા અને કાલીબેલ પી.એચ.સી દ્વારા સામુહિક દવા વિતરણ હાથ ધરવામા આવનાર છે.

આ કાર્યક્રમ અંતર્ગત વઘઇ તાલુકાના ૯૭ ગામોના કુલ ૮૩૯૩૬ લોકોને આવરી લેવામા આવ્યા છે. આરોગ્યકર્મીઓ દ્વારા કુલ ૧૧૧૯ ટીમ, ૨૨ સુપરવાઇઝર ની દેખરેખ હેઠળ હાઉસ ટુ હાઉસ સર્વે કરીને “ડોટ પધ્ધતી” મુજબ રૂબરૂમા દરેક DEC અને આલ્બેન્ડાઝોલ ટેબલેટ આપવામા આવશે.

વધુમા ડો.હિંમાશુ ગામિતે જણાવ્યુ હતુ કે, ફાઇલેરિયા મુક્ત ભાવી પેઢી માટે આ દવાઓ લેવી જરૂરી છે. આ દવાઓની કોઇ પણ આડઅસર નથી. લોક જાગૃતિ માટે ગત વર્ષે વિધાનસભા નાયબ દંડક વ ડાંગના ધારાસભ્ય શ્રી વિજયભાઇ પટેલે પણ આ દવા ગળીને લોકોને પ્રેરણા આપી હતી. હાથીપગાથી મુક્ત ભાવી પેઢી બનાવવા માટે સરકાર કટીબધ્ધ છે.
–